کوٹ مومن

ضلع سرگودھا دا اے قصبہ ہک تحصیل ۔ سرگودھا توں براستہ معظم آباد 38کلو میٹر جݙاں جو براستہ چوکی بھاگنانوالہ 44کلو میٹر دے فاصلے تے واقع ہے۔ لاہور توں اسلام آباد ونجٖݨ آلی موٹروے دے تقریباً اَدھ وچ پوندے تے اتھاں انٹرچینج موجود ہے۔کوٹ مومن دا قصبہ پہلے تحصیل بھلوال دا حصہ ہا۔ 2005ء اچ ایں ویلھے دے وزیر اعلیٰ پنجاب اتھاں آ تے ایکوں تحصیل دا درجہ ݙیوݨ دا اعلان کیتا ہا۔

شروع اِچ اے دیہات دی شکل اِچ آباد تھیا جیندا بانی گوندل قبیلے دا مومن خان ہا۔ ایندے ناں دی نسبت ایندا ناں کوٹ مومن رکھیا ڳیا۔قیام پاکستان توں پہلے اتھاں ہندو کاروبار اچ اپݨا ثانی نہ رکھدے ہن۔ اِتھوں دا کِنوں ٻہوں مشہور ہے ۔ برتݨ رکھݨ سانگے جالی دار ٹوکرے تے گھڑونجی اتھاں عام تیار تھیندن تے پرے پرے توں لوک گھنݨ اَمدن۔ زرعی پیداوار دے اعتبار نال اے علاقہ کِنوں دے حوالے نال بین الاقوامی شناخت رکھدے۔کِنوں دی پراسیسنگ دے حوالے نال اتھاں کئی یونٹ ہن۔ کنڑک ، چاول تے سبزیاں وی علاقے دی اہم زرعی پیداوار ہن۔ بعد اچ اتھاں تھاݨہ، ہسپتال، ٹیلیفون ایکسچینج ، تحصیل سطح دے دفاتر، عدالتاں، کئی بینکاں، شفاخانہ حیوانات، دفتر زراعت، دفترواپڈا ، وغیرہ موجود تھے۔ اے قصبہ تیزی نال ترقی آلے پاسے ویندا پے۔ کوٹ مومن دی آبادی 1972ء دی مردم شماری دے مطابق 18485، 1981 ء اچ 25383ء تے 1998ء اچ 34232افراد تے مشتمل ہئی۔ ایندی موجودہ آبادی 43ہزار دے نیڑے ہے۔