کوٹری جنکشن ریلوے ٹیشݨ

کوٹری جنکشن ریلوے ٹیشݨ پاکستان دے قدیم ترین تے اہم ریلوے ٹیشݨیں وچوں ہک ہے۔ اے سندھ دے ضلع جامشورو وچ کوٹری دے مقام تے واقع ہے۔ ایندی خاص ڳالھ اے ہے جو اتھو کئی ریلوے لائناں شروع تھیندیاں ہن، جنہیں وچوں ہک اہم لائن کوٹری-اٹک ریلوے لائن ہے۔

کوٹری-اٹک ریلوے لائن پاکستان دی ہک اہم ریلوے لائن ہے جیہڑی سندھ کوں پنجاب تے خیبر پختونخواہ ناال ڳنڈھیندی ہے۔ اے لائن کوٹری توں شروع تھی تے دادو، لاڑکانہ، جیکب آباد، کشمور، راجن پور، ڈیرہ غازی خان، کوٹ ادو، لیہ، بھکر، میانوالی توں تھیندی ہوئی اٹک جنکشن تک ویندی ہے۔ اینکوں مین لائن نمبر 2 وی آکھیا ویندے۔ اے لائن کراچی توں پشاور ونڄݨ آلی مین لائن ون دے علاوہ ہک متبادل راستہ وی ہے۔ کوٹری جنکشن دی اہمیت ایں ڳالھوں وی ودھ ہے کیوں جو اے دریائے سندھ دے کنارے تے واقع ہے تے اتھو دی ریلوے پل وی مشہور ہے۔