کونسلر دے معنی

پیریں دا پندھ ہوندا ہا کئ میلیں دا سفر کئ ڈینھ ءچ کیتا ویندا ہا مال ڈنگریں نال کئ سُریں ءچ گاونڑے گاء کے پندھ دا تھکیڑا لہایا ویندا ہا رات تھیندی ہے تاں کہیں وسوں جاہ تے مال ڈنگر بدھ کے مہمان تھی پُویندا ہا، بشیرے آپڑیں وَکدی منجھ کوں وساخ تے بدھ کے سُکھ دا ساہ گھدا تے لکھ حمد پڑھ کے بے چنتا سَم گیا فجر کوں ناشتہ پانڑی کر کے وساخ آلے کوں کروڑاں دعائیں ڈے کے جڈاں منجھ تیں دید ماریس اُوندا چیتا بھؤونڑ لگ گیا ۔ منجھ دے نال کھوتے دا بچہ بدھا کھڑے۔ گڈھیں نال کٹی بدھی کھڑی ھئ۔ اوں سوچے شاید رات اندھاری ہئ وساخ آلے جوان غلطی نال پَھل وٹا کھڑائن اُو کٹی کھولنڑ لگے۔ پچھو جوان سڈ ماریے ادا خیر تاں ھے ساڈی کٹی کھولیندا پئیں۔ بشیرے کھل کے آکھیے ادا اے منجھ رات ویائ ھے تئیں غلطی نال ایندے کٹھے کھوتی بدھ کھڑائ ھے، وساخ آلے جوان آکھیے وائے پاگل دا پُترا اے پھل میڈی گَڈھیں دا ھے۔ ایں تکرار جھیڑے دا روپ گھن گھدا گال ودھ گئ لوگ کٹھے تھی گئے ساریں مشورہ ڈتا یار وستی دے پردھان یعنی کونسلر ،،کونسلرمعنی ، (نکا جتاما) اُوندے کولوں جُلدے ہئیں اُو جیرھا فیصلہ کر ڈیوے منظور ہوسی سارے وستی آلے مانے خان دی جاہ تے ونج پُجے پہلے وی اُوندی جاہ تے ڈُو چار موچی ہک ادھ گھرو وادھو لوک بیٹھے ہن مانے خان سارا حال حوال گھدا تے فیصلہ وساخ آلے دے حق ءچ کجھ اے آکھ کے ڈتا کہ اے وساخ آلے ساڈی وستی دے کمی ہن۔ اے اُومیراثی ہن جنھیں دی گَڈھیں جڈاں رات کوں ویاندی ھے جنڑیندی کَٹی ھے ۔مسافر کھوتی کوں ہتھ پاتے اتھائیں کھڑ کے رُناں وی ھے کھلیا وی ھے لُوکیں پُچھے رُناں کیوں تے کھلیا کیوں بشیرے آکھیا یار کھلیا تاں ایں ہا جو تھاڈی وستی ءچ منجھ کھوتی جنڑیندی ھے گڈھیں کٹی جمیندی ھے رُناں ایں ہاں اگر تھاڈا اے نکا جتاما یعنی کونسلر مر گیا تاں انصاف مَر ویسی،، اے پوسٹ بلکل غیر سیاسی ھے کوئ جتاما یا جتامے دے شطونگڑے بلکل ناراض نہ تھیون کیوں جو ہر وستی ءچ اینجھے جتامے موجود ہن جنھیں ہر چُور راھزن قاتل کوں پناہ ڈتی ھے پالیے نے انھیں دے ظلم دے خلاف ولا فیصلے اینجھے کیتے نے۔ساڈی بدبختی معزز دی شکل ءچ کمینے چٹے کپڑیں ءچ لُکے ھوئے کالے دل، شریف دے رُوپ ءچ درندے ملیئن، جمیل بلوچ، سارے کونسلر نیں جنھیں ءچ اینجھے فیصلے کرنڑ دی کوالٹی ھے اوھے سمجھے ونجن.