کورونا وباء

کورونا وائرس دی وباء ہک عالمگیر وبا ہے جیہڑی کورونا وائرس مرض دے پھیلݨ نال دنیا بھر وچ پھٹ پئی ہے۔ ایں وباء دا باعث سارس کووی 2 نامی وائرس ہے جیندی بناء تے انساناں دا نظام تنفس شدید خرابی نال دوچار تھی ویندے۔ دسمبر 2019ء وچ چینی صوبہ ہوبئی دے شہر ووہان وچ وبا دا ظہور تھیا تے ایں برق رفتاری نال پھیلا کہ چند ہی مہینیاں دے بعد 11 مارچ 2020ء کوں عالمی ادارہ صحت (WHO) نے اینکوں عالمی وبا قرار ݙے ݙتا۔ 27 مارچ تک 190 ملکاں دے مختلف خطیاں وچ ایں وبا دے 5 لکھ انونجاہ ہزار توں زائد متاثرین دی اطلاع آچکی ہے جنہاں وچوں 24 ہزار ہک سو افراد ایں مرض توں جانبر نہ تھی سڳے تے لقمہ اجل بݨ ڳئے، جبکہ 1 لکھ اٹھاویہہ ہزار متاثرین دے صحت یاب ہووݨ دی اطلاع ہے۔