کن گوشی

اپنڑا هک انشائیه "کن گوشی" دیاں کجھ لائناں سرائیکی دےهر استاد الشعراء دی نذر

اکثر میں حیران تھینداں جو استاد سکول ویندا پیا هونے ت شاگرد ولیا آندا هونے پته نی استاد لیٹ هے یا شاگرد کوں کوئ ضروری کم یاد آ گۓ? خیر استاد بنڑنڑ لو چھمکیں دا نهران ضروری هے پر سرائیکی ادب اچ اے ضروری نی بلکه میں تاں اینجھےشاگرد ڈٹھن جیهڑے استاد الشعراء کوں آهدن استاجی بندے دا پتر بنڑ.ت اینجھے استاد الشعراء وی ڈٹھن جیهڑے شعر آکھنڑ توں پهلے استاد الشعراء بنڑ گئن. تساں آکھسو شعر آکھنڑ توں پهلے? جی جناب شعر آکھنڑ توں پهلےاو صرف ڈوهڑے ونڑدے هن.ڈوهڑے دی اے رحمدلی هے جو ایکوں لسی آلی کار پتلا کرو ویندے کرو ویندے.ایکوں ڈوڑا کر تے ڈوهڑے ست رنگی تڈی آلی کار ونڑو ویندے. جیویں طالبعلم دی کن پکڑ تے هئیت تبدیل تھی وینی هے غرور کا سر نیچا, کن هتھیں اچ, هتھ کنیں تے, ساه ناسیں اچ ت خون یکا منه تے تے منه یکا گوڈیں اچ پر پیر زمین تے گل خان بنڑ ت نه جنبد گل خاں جنبد.ایویں ڈوهڑے نال وی تھی سگدے تڈی آلی کار چھیکڑی پٹی اکھوڑ ت پٹھی کن گوشی ڈے ت پهلی لائن اچ ت پهلی پٹی اکھوڑ ت سدھی کن گوشی ڈے تے چھیکڑی لائن اچ مطلب کن هتھیں اچ ت هتھ کنیں تے منه یکا گوڈیں اچ ایں هک نواں ڈوهڑا ایجاد تھی ویندے پر اے کم صرف استاد شاعر کر سگدن بچوں کی پهنچ سے دور رکھیں. ڈوهڑا سرائیکی وسیب دا شناختی کارڈ ت نویکلی صنف هے.جیندے وچ بیٹ, وسیب, مونجھ, تس,جالیں دے پرو چھل ت عوام ان پڑھ.جیندےوچ ٹوبھے اتیں زناور ت بندے کٹھے پانی پیندے نظردن تے گودا گیری. آصف اعوان آهدے جیهرا شاعر ڈوهڑا وی بےوزن لکھدے اوندے کولو عزرائیل وی ڈردے ڈیکھیں چرک تئیں جیسی پر اوندے مرنڑ توں پهلے ڈوهڑه مرسی لیکن میں آهداں استاد الشعراء کوں ڈوهڑے دا احسان سمجھنڑا چاهیدے کیوں جو کجھ استاد ایکوں نویکلی صنف آکھ ت ٹکر کھاندے ره گئن ت اج کجھ پیراسائٹ شعراء اسمان ت تھک سٹ کے چندر میلا کر ت استاد بنڑنڑ چاهندن پر هن کن گوشی دے ڈا دے

منصور شانی ( آلیاں بھنوالیاں)

March 8 at 11:18 PM