کنگ ایڈورڈ میڈیکل یونیورسٹی

تاریخ

ایڈورڈ VII، مشہور برطانوی بادشاہ ہئی۔ ایڈورڈ 22 جنوری 1901ء توں 1910ء تک بھارت وِچ برطانوی راج دی کمان دے سربراہ وی ہئی۔ میڈیکل کالج کلکتہ، مدراس میڈیکل کالج چنائی، گرانٹ میڈیکل کالج ممبئی دے بعد، انگریز دور وِچ 1860ء وِچ لاہور میڈیکل کالج دے ناں نال ہک ادارہ بݨایا ڳیا۔ ایں ادارے دا خیال 1857ء وِچ پیش کیتا ڳیا، پر جنگ آزادی دے پیش نظر کجھ سال ایں تے کوئی توجہ نہ ݙتی ڳئی۔ جݙݨ 1860ء وچ ایہ ادارہ قائم کیتا ڳیا تاں جنرل ہسپتال کلکتہ دے ڈاکٹر آئی بی شری وان کوں ایندا پہلا پرنسپل بݨݨ دی دعوت ݙتی ڳئی۔ ڈاکٹر شری وان تے ڈاکٹر سمتھ 10 اکتوبر 1860ء کوں اتھاں تشریف ڳھن آئے تے اتھاں پہلا میٹرک دا امتحان، یکم نومبر 1860ء وِچ ڳھدا ڳیا۔ 1860ء وِچ آرٹلری بیرکس دے نال ملحقہ ایں کالج دے ہسپتال وِچ صرف 56 مریض داخل ہن۔ 1863ء وِچ 27 طالب علماں نے اتھاں توں ڈاکٹری دا امتحان پاس کیتا تے ہک طالب علم جان اینڈریو نے جراحی دا سب اسسٹنٹ سرجن امتحان پاس کیتا، ایویں ایں کالج توں بݨݨ آلا پہلا وݙا ڈاکٹر ہک سرجن ہئی۔ 1864ء وِچ ایں کالج دی عمارت کوں شاہ عالمی دروازے دے کول انار کلی نال ملحقہ ہک ڈسپنسری دے کول منتقل کر ݙتا ڳیا۔ 1867ء وِچ برصغیر وِچ پیچش دی بیماری دی وبا پھوٹ پئی تے ایں کالج توں بݨݨ آلے ڈاکٹراں نے جݙݨ متاثرہ علاقیاں وچ اپݨیاں خدمات انجام ݙتیاں تاں اتھو دے مقامی لوکاں وچ ایں کالج تے ایندی تعلیم کیتے ہمدردیاں پیدا تھیوݨ لڳیاں۔ 1868ء وِچ یونیورسٹی آف ڈبلن دی جانب توں ایں کالج کوں اوہو تعلیمی مراعات ݙتیاں ڳئیاں، جیہڑیاں ڈبلن وِچ انگریزی سکولاں کوں حاصل ہن۔ 1870ء وِچ ایہ کالج اتنی مقبولیت حاصل کر ڳیا جو لیفٹنٹ گورنر آف پنجاب، مسٹر او ایف میکلوڈ نے اتھاں توں ویندے ہوئے ڈاکٹر شری وان تے ڈاکٹر سمتھ دیاں خدمات کوں خوب خراج تحسین پیش کیتا۔ 1871ء وِچ انار کلی ڈسپنسری کوں ختم کر تے، ایں کالج نال ملحقہ میو ہسپتال دا قیام عمل وچ آندا ڳیا۔ ایں ہسپتال دا ناں ایرل آف میو دے ناں تے رکھیا ڳیا، جیہڑا اوں وقت اتھاں برطانوی راج دا امیر ہئی۔ آرکیٹیکٹ پرڈون نے ایندا نقشہ بݨایا تے رائے بہادر کنیا لال انجینئر نے ایہ عمارت تعمیر کیتی۔ میو ہسپتال دی عمارت اطالوی فن تعمیر دا شاہکار نمونہ ہے۔ اوں وقت ہک لکھ، اٹھونجہ ہزار، ناوں سو اکونجھہ روپے وِچ میو ہسپتال دی عمارت تعمیر کیتی ڳئی تے ایندے وِچوں ہک لکھ روپیہ گورنمنٹ آف انڈیا نے گرانٹ ݙتا ہئی۔ ایویں ایں سال ایں کالج دا الحاق پنجاب یونیورسٹی نال کر ݙتا ڳیا۔ پٹیالہ بلاک ایں کالج دی سب توں مشہور عمارت ہے تے کالج دی عمارت 1883ء وِچ مکمل کیتی ڳئی۔ 1887ء وِچ لیڈی ایچ ای سن ناں دی ہک ݙوجھے ہسپتال دا ایں کالج دے نال الحاق کر ݙتا ڳیا۔ 21 دسمبر، 1911ء وِچ لاہور میڈیکل کالج کوں ایڈورڈ ایڈورڈ VII دی یاد وِچ کنگ ایڈورڈ میڈیکل کالج دا ناں ݙے ݙتا ڳیا۔ پاکستان بݨݨ دے ویلے، ایہ پاکستان دی واحد میڈیکل دی تعلیم دا ادارہ ہئی۔ 2006ء وِچ حکومت پاکستان دے ہک چارٹر حکم دے ذریعے، کنگ ایڈورڈ میڈیکل کالج کوں آزادانہ حیثیت ݙیندے ہوئیں، کنگ ایڈورڈ میڈیکل یونیورسٹی دا درجا ݙے ݙتا ڳیا۔ پاکستان دے سب توں معتبر ادارے کالج آف فزیشن اینڈ سرجن دے موجودہ صدر تے معروف سرجن پروفیسر ڈاکٹر ظفر اللہ چوہدری نے وی کنگ ایڈورڈ میڈیکل یونیورسٹی وِچ اکیوی سال بطور سرجن خدمات انجام ݙتیاں، تے ایں کالج دے وائس پرنسپل تے ڈین آف سرجری وی ہن۔ پنجاب وِچ اکویویں گریڈ وچ سینئر ترین پروفیسر ہووݨ تے کالج آف فزیشن تے فاطمہ جناح میڈیکل یونیورسٹی وِچ خدمات تے تحقیقی شعبیاں وِچ بے پناہ کم کرݨ آلے پروفیسر ڈاکٹر خالد مسعود گوندل کوں 14 جون، 2018ء کوں کنگ ایڈورڈ میڈیکل یونیورسٹی دا ݙوجھا ریگولر وائس چانسلر تعینات کر ݙتا ڳیا۔

احاطہ

داخلی دروازہ

ہوسٹل

سی بلک، بوائز ہوسٹل

تنظیم

مختلف طلبہ تنظیماں دا قیام عمل وچ آندا رہیا ہے۔ کنگ ایڈورڈ لٹریری سوسائٹی (بزم ادب... 1882)، کنگ ایڈورڈ ڈبیٹنگ سوسائٹی (1887)، کیمکولینز سپورٹس کلب، کیمکولینز ڈرامیٹک سوسائٹی، سٹوڈنٹس پیشنٹس ویلفیئر سوسائٹی وغیرہ۔

شعبہ جات

ایندے بنیادی شعبے ایہ ہن:

اناٹومی

بائیو کیمسٹری

کمیونٹی میڈیسن

پتھالوجی

فزیالوجی

ہسٹالوجی

کارڈیالوجی

ریڈیوتھراپی

نیورولوجی وغیرہ

تحقیق

بغرض تحقیق ہک ریسرچ سینٹر وی ہے جیندا ناں ہے پاکستان میڈیکل ٹیوبرکلوسس ریسرچ سنٹر (pmrc)

الحاق

کنگ ایڈورڈ میڈیکل یونیورسٹی نال ملحق لاہور دے ایہ ہسپتال ہن:

میو ہسپتال

لیڈی ولنگڈن ہسپتال

لیڈی ایچی سن ہسپتال

کوٹ خواجہ سعید ہسپتال

شاہدرہ ہسپتال

گورنمنٹ سعید مٹھا ٹیچنگ ہسپتال وغیرہ

جݙݨ لاہور دے ایہ طبی تعلیمی ادارے وی ایندے ماتحت ہن:

سنٹر فار نیوکلیئر میڈیسن

اسکول آف آرتھوپیڈک ٹیکنالوجی

اسکول آف نرسنگ

اسکول آف فزیو تھراپی وغیرہ

طالب علم دی زندگی

طلبہ تے طالبات کیتے الگ الگ ہاسٹل ہن، لائبریری، کمپیوٹر لیب، وائی فائی، مسجد، کنٹین دے علاوہ سپورٹس کلب وی موجود ہے۔

غیر نصابی سرگرمیاں

سابق طالب علم

ڈاکٹر اسرار احمد

مشتاق احمد بیگ

شہزاد شمس

ڈاکٹر محمد یونس بٹ

صولت ناگی

سوہن سنگھ ہیری

بشارت احمد

جاوید آئی شیخ

ایوب ہمایوں

یادگاری ڈاک ٹکٹ

16 نومبر 1960ء کوں صدر پاکستان فیلڈ مارشل ایوب خان نے کنگ ایڈورڈ میڈیکل کالج، لاہور دے قیام دی صد سالہ تقریبات دا افتتاح کیتا۔ کنگ ایڈورڈ میڈیکل کالج دے قیام دی صد سالہ تقریبات دے موقع تے پاکستان دے محکمہ ڈاک نے ݙو یادگاری ڈاک ٹکٹاں دا ہک سیٹ وی جاری کیتا۔

ہسٹری بک

پروفیسر ڈاکٹر سائرہ افضال ڈین پبلک ہیلتھ نے کنگ ایڈورڈ میڈیکل یونیورسٹی دی تاریخ تے کتاب لکھی ہے۔