کنول شوزاب

کنول شوزاب
وفاقی پارلیمانی سیکرٹری برائے منصوبہ بندی، ترقی اَتے خصوصی اقدام
آغاز منصب 7 ستمبر 2018ء
وزیر اعظم	عمران خان
قومی اسمبلی پاکستان دی رکن
آغاز منصب 13 اگست 2018ء
معلومات شخصیت
پیدائش	سنہ 1982ء (عمر 42–43 سال)  سرگودھا
شہریت	پاکستان
جماعت	پاکستان تحریک انصاف
عملی حیاتی
مادر علمی	جامعہ قائداعظم
پیشہ	سیاست دان

کنول شوزاب (انگریزی: Kanwal Shauzab) (جنم: 1982ء) ہک پاکستانی سیاست دان ہِن جیڑھی اگست 2018ء توں پاکستان دی قومی اسمبلی دی رکن ہِن۔

ابتدائی حیاتی اَتے تعلیم

کنول شوزاب 1982ء وِچ پاکستان دے شہر ملتان وِچ ہک فوجی افسر دے ہاں پیدا تھئی ہَن۔

کنول شوزاب نے انگریزی ادب وِچ جامعہ نمل توں ایم اے کِیتا تے 2015ء وِچ قائد اعظم یونیورسٹی توں ایم فل مکمل کِیتا۔

سیاسی حیاتی

کنول شوزاب نے 1997ء وِچ پندرہ سال دی عمر وِچ پاکستان تحریک انصاف وِچ شمولیت اختیار کِیتی۔

انّھاں نے 2018ء وِچ پاکستان تحریک انصاف دی امیدوار دی حیثیت نال سینیٹ دے انتخاب وِچ وی حصہ گِھدّا۔

2018ء دے عام انتخابات

کنول شوزاب 2018ء دے عام انتخابات وِچ پنجاب توں زنانیاں کِیتے مخصوص نشست تے پاکستان تحریک انصاف دی امیدوار دی حیثیت نال پاکستان دی قومی اسمبلی دی رکن منتخب تھئی ہَن۔

کنول شوزاب کوں ستمبر 2018ء وِچ پارلیمانی سیکرٹری برائے منصوبہ بندی، ترقی تے اصلاحات مقرر کِیتا ڳیا۔

طاقت دے غلط استعمال دا الزام تے تشدد

ستمبر 2020ء وِچ، اسلام آباد علاقہ ایف-11/2 دے ہک شہری نے کنول شوزاب دے خلاف اسلام آباد سیشن کورٹ وِچ مجرمانہ شکایت درج کرݨ دی درخواست کِیتی۔ اِیں درخواست وِچ کنول شوزاب تے الزام لایا ڳیا ہئی کہ 'کنول شوزاب نے کیپٹل ڈویلپمنٹ اتھارٹی کوں اپݨے ذاتی کم کِیتے استعمال کِیتا۔ کنول شوزاب نے اپݨے خریدے ہوئے مکان دے آس پاس دے علاقیاں وِچ زمین دی تزئین تے صفائی کِیتے وی استعمال کِیتا۔ تے 30 ستمبر 2020ء کوں، کنول شوزاب نے 67 سال دے پڑوسی کوں تشدد دا نشانہ بݨایا۔'

ایڈیشنل سیشن جج سید فیضان حیدر نے 19 جنوری 2021ء کوں درخواست دی منظوری ݙتی تے کنول شوزاب دے خلاف قانون دے مطابق پولیس کوں ہک مناسب ایف آئی آر درج کرݨ دا حکم ݙِتّا۔

استعفیٰ

اپریل 2022ء وِچ امریکہ دی طرفوں بیرونی مداخلت دے نتیجے وِچ رجیم چینج دے بعد تمام پاکستان تحریک انصاف دے ارکان دے نال انّھاں نے وی قومی اسمبلی دی سیٹ توں استعفیٰ ݙے ݙِتّا۔