کندیاں جنکشن ریلوے ٹیشݨ

کندیاں جنکشن ریلوے ٹیشݨ ضلع میانوالی، پاکستان وچ ہے۔ ایہہ پاکستان دا تریجھا وݙا ریلوے جنکشن ہے۔ ہک زمانے وچ اتھو 12 مسافر ٹریناں چلدیاں پئیاں ہن۔ ہݨ ایہہ تعداد صرف ݙو رہ ڳئی ہے۔

تاریخ تے اہمیت:

کندیاں ریلوے ٹیشݨ ہک وݙا تے پراݨا ریلوے ٹیشݨ ہے۔ اتھاں اربیں روپیے مالیت دے تریھ انجن وی ناکارہ کھڑے ہن۔ پاکستان ریلوے لوکو موٹو شیڈ تے ریلوے ورکشاپ وی ہے۔ ایں ٹیشݨ تے پہنچ کے ڳاݙی دا انجن وی تبدیل کر ݙتا ویندا ہے۔ کندیاں وچ ڳاݙی دا قیام ادھا توں پوݨا گھنٹہ ہوندا ہے۔ ایہہ ملتان، سرگودھا، خوشاب تے لالاموسیٰ کیتے جنکشن ہے۔ کندیاں توں اڳوں ڳاݰی چشمہ بیراج دیاں نہریں کوں کراس کریندی ہوئی پپلاں دی جانب روانہ تھیندی ہے۔

محل وقوع:

کندیاں جنکشن ریلوے ٹیشݨ کندیاں وچ ہے۔ کندیاں مین بازار توں اڳوں ریل بازار دے کولوں ریلوے ٹیشݨ ہے۔

ریلوے ٹیشݨ کوڈ:

پاکستان ریلویز دی سرکاری ویب سائٹ دے مطابق کندیاں جنکشن ریلوے ٹیشݨ دا کوڈ KDA ہے۔اینہہ ویلے ایہہ ٹیشݨ پاکستان ریلویز دے استعمال وچ ہے۔