کمود بین جوشی

کمود بین جوشی
مناصب
آندھرا پردیش گورنر
برسر عہدہ 26 نومبر 1985  – 7 فروری 1990
f9f9f9; margin: 0 0 0 0; border-collapse: collapse;" f9f9f9; color:#000; margin: 0 0 0 0; border-collapse: collapse;" شنکر دیال شرما   f9f9f9; color:#000; margin: 0 0 0 0; border-collapse: collapse;" کرشن کانت
معلومات شخصیت
پیدائش	31 جنوری 1934ء   برطانوی ہند
تاریخ وفات	14 مارچ 2022ء (88 سال)
شہریت	بھارت برطانوی ہند ڈومنین بھارت (15 اگست 1947–)
جماعت	انڈین نیشنل کانگریس
عملی زندگی
پیشہ	سیاست دان

کمود بین منی شنکر جوشی 31 جنوری 1934ء کوں گجرات وِچ شری منی شنکا جوشی دے گھر ڄَمّی ہَن۔ اوہ 26 نومبر 1985ء توں 7 فروری 1990ء تک آندھرا پردیش دی گورنر رہیاں۔ اوہ شاردا مکھرجی دے بعد ریاست دی ݙوجھی زنانی گورنر ہَن۔ اوہ اطلاعات و نشریات دی نائب وزیر (اکتوبر 1980ء - جنوری 1982ء) تے صحت تے خاندانی بہبود دی نائب وزیر (جنوری 1982ء - دسمبر 1984ء) وی بݨیاں۔

جوشی 15 اکتوبر 1973ء توں 2 اپریل 1976ء تک، ول 3 اپریل 1976ء توں 2 اپریل 1982ء تک تے 3 اپریل 1982ء توں 25 نومبر 1985ء تک ترے واری راجیہ سبھا دی رکن رہیاں۔ اوہ گجرات پی سی سی دی جنرل سکریٹری وی ہَن۔

عہدہ سنبھالݨ دے فوراً بعد، اُنہاں نے ریاست دے تمام 23 اضلاع تے زیادہ تر ٻاہری ریاستاں دے دورے کیتے۔ جیڑھا بھارتی گورنراں وِچ ہک رکارڈ ہِے۔ اوہ حیدرآباد دے راج بھون وِچ آپݨے 13 پیشرواں توں زیادہ سرگرم رہیاں ہَن۔ 26 نومبر 1985ء تے 30 ستمبر 1987ء دے درمیان اُنہاں نے 108 موقعاں تے اضلاع دا تے 22 واری ریاست توں ٻاہر دا سفر کیتا۔ راما راؤ، اُوں وقت دے وزیر اعلیٰ تے اُنہاں دی جماعت والیاں نے اِین٘دے کوں جوشی دی طرفوں کانگریس کِیتے ہک مضبوط بنیاد بݨاوݨ دی کوشش دے طور تے ݙٹھا۔

تنازعات

کمود بین منی شنکر جوشی راج بھون وِچ آپݨے دور اقتدار دے دوران حکمران تیلگو دیشم پارٹی (ٹی ڈی پی) دی دھمکیاں دی زد وِچ ہَن۔

اُنہاں دے خلاف مہم اُوں وقت گرم تِھئی جݙاں ریاستی کابینہ نے اُنہاں دی یوم جمہوریہ پریڈ تقریر دے "وقت تے مواد" تے تنقید کریندی ہوئی ہک قرارداد منظور کیتی جیندے وِچ "ریاست دی طرفوں کیتی ڳئی قابل ذکر پیش رفت کوں گھٹایا ڳیا"۔

اُنہاں نے وزیر اعلیٰ این ٹی راما راؤ توں وی آکھا جو اوہ اِیں سلسلے وِچ صدر جمہوریہ آر وینکٹارمن کوں خط لکھن۔ ٹی ڈی پی دے وزرا نے اُنہاں تے کانگریس (الف) دے ایجنٹ جیہاں برتاؤ کرݨ دا الزام لایا۔

ہندی وِچ آپݨی 20 منٹ دی غیر معمولی تقریر وِچ، جوشی نے آکھا ہئی: "کوئی وی ریاست ترقیاتی پروگراماں کوں نافذ کرݨ وِچ حکومت ہند دے تعاون دے بغیر ترقی نئیں کر سڳدی۔" اُنہاں نے ݙسایا جو مرکزی حکومت وشاکھاپٹنم اسٹیل پروجیکٹ تے روزانہ 4 کروڑ روپے خرچ کریندی ہِے تے اناج دی تقسیم کِیتے 75 پیسے توں 1 روپے تک سبسڈی ݙیندی ہِے۔

وزیر جنگلات جی مڈوکرشناما نائیڈو نے جلدی ئِ اُنہاں تے الزام لایا جو اوہ صرف مرکزی طور تے اسپانسر تِھیوݨ والیاں اسکیماں کوں پیش کریندی ہَن تے ریاستی حکومت دی طرفوں نافذ تِھیوݨ والے فلاحی اقدامات تے روشنی نئیں پائیندی۔ تعاون دے وزیر این یتھیرا راؤ دے مطابق: "اُنہاں نے گورنر دے دفتر کوں کانگریس (الف) دے تعلقات عامہ دے افسر دے عہدے تے محدود کر ݙتا ہِے۔"

جوشی نے حیدرآباد دے مقامی اخباراں کوں متعدد انٹرویو ݙے تے رد عمل ݙکھایا۔ اُنہاں نے الزامات کوں ردّی قرار ݙیندے ہوئے آکھا، "اِیں طرح دی تنقید دا جواب ݙیوݨ میݙے وقار دے خلاف ہِے۔"