کمرا نمبر ١٩

چَخے تھی ہُنْ پُجیں، ادّھے سُتّے پئین، ادّھے لگّے گئین"۔۔۔۔۔۔۔ لمبے لمبے پنج انگلیں ڈکھا، مُچھاں اندروں مُچکدے تھوڈ تے نال وڈا سُتھرا تبصرہ تے حال شروع۔ "ِان مرائیں اُن مرائیں نانی دا گھر کِن۔۔۔۔ اِن" کمرہ نمبر19 ہا "نانی دا گھر" او وی دانشوراں دی نانی دا گھر۔ اے نانکا ویہڑا جیندا کوئی حدبنّاں کوئی نا ہا، ہِمالیا دے مُنڈھلے پہاڑاں تو شروع تھی تے ایرانی بلوچستان دے سمندراں تئیں دِرگّا پیاہا جیندے ءچ ونْکوونْک قسم دے دانشوراں دی ہِک لمبی تندیرہائی۔ " کمرہ نمبر 19 اصل ءچ ڈاکٹر نعیم کلاسرا دا " دانشوراں وسطے آپریشن تھیٹر" ہا۔ ِاتھاں ہرحساب نال مکمل سہولیات تے بنیادی ضرورتاں دی ہر شئے موجود ہائی مثلاّ مریض کوں بیہوش کرنْ دا بندوست، بِسترے، وافرکثیرٹُکرٹیرا، ہر پنج منٹ بعد چاہ دے کوپ، ہک مُستقل وارڈ تھیٹر بوائے ریاض تے ہک آن کال تھیٹراسسٹینٹ شہزاد عرفان۔ ڈاکٹردا خیال ہا ہِکی نشست ءچ جتنے زیادہ دانشور کمرہ نبر19 ءچ کٹھے ہوسن، جتنی زیادہ بحث مباحثہ تھیسی، سارے کٹھے جلدی صحتیاب تھیسن کیوں جو ہک بئے وستے ڈاکٹر وی آپ ہِن تے مریض وی آپ، اِڈوں رات ای مُکی تے مارکاوی ٹُر گئے اپنْے اپنْے شہراں وستیاں کوں۔ عباس منزل دا اے تھیٹردُنیاں دے کہیں وی وڈے آرٹ تھٹر کنیں گھٹ ناں ہا جیکوں سرائیکی وسیب دا "شانتی نکیتن" نہ آکھیا ونج سگیجے۔ کیڑھا سرائیکی ادب، سرائیکی سیاست دا سرائیکی دانشور سورما ایسا ہے جئیں ڈاکٹر دے شانتی نکیتن دی حاضری ناں بھری ہوے۔ ڈاکٹر نعیم کلاسرا نال اپنْی یاداشتاں لِکھنْ کوئی سوکھا کم نئیں جو بندہ بہوں وڈا ءے۔ پر جیکر میں نہ لِکھساں تے کون لِکھسی پر اے ہنجوں لِکھنْ ڈیون تاں۔ شہزادعرفان (نوٹ) 1986 ءچ ملک عبداللہ عرفان ہوراں دے سرائیکی/اردو ماہ نامہ جریدہ " معاشرہ" ءچ چھپی ڈاکٹر نعیم کلاسرا دی ڈو نظماں۔شہزادعرفان