کلیان امباپے

کلیان امباپے
(فرانسیسی : Kylian Mbappé)
معلومات شخصیت
پیدائشی ناں	(فرانسیسی : Kylian Mbappé Lottin)
ڄم	20 دسمبر 1998ء (27 سال)  پیرس
شہریت	فرانس کیمرون
قد	185 سنٹی میٹر
وزن	73 کلو گرام ،  75 کلو گرام
عارضہ	کووڈ-19 (ستمبر 2020–)
عملی زندگی
پیشہ	ایسوسی ایشن فٹ بال کھلاڑی
ماء ٻولی	فرانسیسی
پیشہ ورانہ زبان	فرانسیسی ،  ہسپانوی ،  انگریزی
شعبۂ عمل	ایسوسی ایشن فٹ بال
کھیل	ایسوسی ایشن فٹ بال
کھیل کا ملک	فرانس
اعزازات
لیجن آف آنر (2018)
ویب سائٹ
ویب سائٹ	باضابطہ ویب سائٹ
	IMDB پر صفحات

کلیان مباپےہک فرانسیسی پیشہ ور فٹ بالر ہے جیہڑا فرانس دی قومی فٹ بال ٹیم کیتے کھیݙدے۔

ݙاہ نمبر دی شرٹ پاوݨ آلے مباپے پیرس دے ابھے تیں ہک نکے جھیں شہر بوندی وچ پیدا تھئے۔

مباپے، یعنی کلیان، دے خاندان وچ انہاں دے پیوولفریڈ، ماءفائزہ تے مترایا بھرا جیرس کمبو اکوکو، بوندی فٹ بال کلب دے گراؤنڈ دے سامݨے ہک رہائشی علاقے وچ رہندے ہن۔ انہاں دا ہک نکا بھرا ایتھن، جو ہݨ 15 سال دا ہے، اوں ویلے کوئنا ڄمیا ہویا۔

کیمرون نال تعلق رکھݨ آلے انہاں دے پیومقامی کلب دی سرگرمیوں وچ شامل رہندے ہن۔ اوہ مختلف ٹیموں دے کوچ ہوندے ہن تے پیرس وچ فٹ بال نال جڑیے ہوئے ایں نکےجھیں ادارے وچ انہاں دی وݙی عزت ہئی۔

انہاں دا پُتر فٹ بال دے علاوہ کہیں چیز وچ دلچسپی نہ ڳھندا ہئی۔ اوہ صرف فٹ بال کوں زور نال کک کریندا تے اپݨے پیودی ٹیموں دے آس پاس ڳھمدا رہندا۔ گھر وچ سب فٹ بال وچ دلچسپی رکھدے ہن، چاہے ٹی وی تے میچ ݙیکھݨا ہووے یا سکول وچ دوستاں دے نال میچ کھیݙݨ ونڄݨا ہووے۔ مباپے دے ذہن وچ سمدیں جاڳدیں فٹ بال دا میچ چلدا رہندا ہئی۔ انہاں دے بیڈروم وچ رونالڈو تے زیدان دے پوسٹر لڳے ہوندے ہن جنہاں دے اوہ بچپن توں فین ہن۔

10 سال دی عمر وچ پیرس دے آس پاس ایہ آکھیا ویندا ہئی کہ بوندی نال تعلق رکھݨ آلا ہک بچہ کافی چنگا فٹ بال کھݙاڑی ہے۔

انہاں نے چیلسی دی پیشکش قبول کیتی جنہاں نے 11 سال دے کلیان کوں تربیت ݙیوݨ شروع کر ݙتی۔ 12 سال دی عمر وچ اوہ ریال میڈرڈ توں تربیت گھنݨ لڳے۔

13 سال دی عمر وچ اوہ کلیئر فونٹین اکیڈمی وچ بھرتی تھئے جتھاں انہاں نے ݙو سال گزاریے۔ کلیان ہفتہ وار چھٹیاں وچ مقامی کلب کیتے کھیݙدے ہن۔

موناکو اکیڈمی وچ اوہ نوجوانیں دی ٹیم دا حصہ بݨیے، دسمبر 2015ء وچ انہاں کوں پہلا میچ کھیݙݨ دا موقع ملیا۔ 16 سال تے 347 ݙیہاڑے دی عمر وچ مباپے موناکو دے سب توں گھٹ عمر دے کھݙاڑی بݨ ڳئے۔

فروری 2016ء دے دوران انہاں نے اپݨے پیشرو تھیری ہنری داڳھٹ عمر وچ سب توں زیادہ گول کرݨ دا ریکارڈ تروڑ ݙتا۔

مارچ 2017ء وچ انہاں نے فرانس دی طرفوں سپین دے خلاف پہلا میچ کھیݙیا۔ انہاں دی عمر صرف 18 سال 95 ݙینہہ ہئی۔ اڳلے ہی انٹرنیشنل میچ وچ انہاں نے اپݨا پہلا گول کیتا۔ مئی 2022ء وچ 3 سال کیتے پی ایس جی دے نال معاہدہ سائن کر ڳھدا۔ کلیان مباپے کوں نویں معاہدے دے تحت ماہانہ 4 ملین پاؤنڈز ملیسن، سالانہ 48 ملین پاؤنڈ آمدن دے نال مباپے سب توں زیادہ آمدن آلے فٹ بال کھݙاڑی بݨ ڳئے۔ پی ایس جی نال معاہدہ برقرار رکھݨ کیتے مباپے نے اسپانوی کلب ریال میڈرڈ دی پیشکش ٹھکرا ݙتی۔