کلیاتِ شفیق
کتاب دی ترتیب و پیشکش شاعر دے پوترے سید کرامت علی شاہ کاظمی نے کیتی ہے ۔ سید امام علی شاہ پچھلی صدی دے شاعر ہن ۔ انہاں دا عرصہ حیات 1877ء تا 1962ء ہے ۔ انہاں کوں امام الشعراء ، ذاکر سید شہداء تے انیس پاکستان دے خطاب ملے ہن ۔کتاب دے آغاز وچ شاعر دا مفہوم شجرہ نسب ݙتا ڳے ۔
بیک پیپر تے ظہور احمد دھریجہ لکھدن:
[لکھو | ماخذ وچ تبدیلی کرو]’’جینکوں آلِ رسولؐمحبت کینی او رسولؐ تے رسولؐ خدا دا محب نی تھی سڳدا۔ انسان تاں کیا خود خدا وی اپݨے کلام پاک دی سورۃ الاحزاب آیت نمبر33۔ 54، سورۃ آلِ عمران آیت نمبر61، سورۃ الانفال آیت نمبر33، سورۃ الصفت آیت نمبر73وچ اہل بیت دی شان بیان فرمائی اے ۔ زیر نظر کتاب دے مصنف سئیں سید امام علی شاہ شفیق دی ساری حیاتی امام عالی مقام حضرت حسین علیہ السلام تے آلِ اطہار دی تعریف وچ گزری ہے ۔ اے تعریف دراصل خدا دے ݙسیے ہوئے اوں فرمان دی تعریف اے جو قرآن مجید وچ بیان تھئی اے ۔ شفیق سئیں دی حسینی شاعری کوں خراج عقیدت دے بعد اساں کربل وانگے مصائب دا شکار اپݨے وسیب دی ڳالھ کریسوں۔‘‘
حوالہ
[لکھو | ماخذ وچ تبدیلی کرو]ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان) نگران مقالہ: ڈاکٹر محمد ممتاز خان کلیانی