کلمتی گبول
کلمتی گبول دے بارے وچ مختلف روایات ہن جنہاں وچوں ہک روایت ایہ ہے کہ گبول جݙاں کیچ تے مکران توں نکلیے تاں انہاں دا ہک حصہ کلمت وچ رہائش پزیر تھی ڳیا تے کلمتی قبیلے وچ شامل تھی کے کلمتی گبول مشہور تھیا۔ موجودہ کلمتی گبول قبیلے دا سردار لقمان خان کلمتی ملکاݨی ہے۔ کلمتی گبول صدیاں توں کلمتی سردار دے نال نہ صرف آباد ہن بلکہ کلمتی قبیلے دی ہر معرکہ آرائی وچ ٻہوں نمایاں نظر آندے ہن۔ اوہ اپݨی بہادری، ملنساری تے مہمان نوازی دے حوالے نال خوب پہچاݨ رکھیندے ہن۔ موجودہ کلمتی گبولاں دے مطابق انہاں دا تے کیر تھرائی گبولاں دا تاریخی لحاظ نال کوئی رشتہ کائنی۔ کلمتی گبول وچوں لاکھانی پاڑہ موجودہ پڳ دار گھرانہ ہے۔ ایں گھرانے وچوں "مصری خان گبول لاکھانی" نے مکلی آلی جنگ وچ میر مزار خان کلمتی دے لشکر دی سپہ سالاری کیتی ہئی۔[١]
کلمتی گبولاں دے پاڑے/شاخاں:
[لکھو | ماخذ وچ تبدیلی کرو]- لاکھانی: لاکھو خان گبول دی اولاد، کلمتی گبولاں دا پڳ دار گھرانہ۔
- عیسبانی: عیسب خان دی اولاد۔
- رادھانی: رادھہ خان دی اولاد۔
- سوجانی: سوجہ خان دی اولاد۔
- صفرانی: صفر خان دی اولاد۔
- قیصرانی: قیصر خان دی اولاد۔
- جوگیانی: جوگی خان دی اولاد۔ ہک روایت مشہور ہے کہ ایہ گبولاں دے ٹنڈا پاڑے دا حصہ ہن۔
- مبارکانی: مبارک خان دی اولاد۔
- نوتانی: نوت خان دی اولاد۔
- امید علیانی: امید علی دی اولاد۔ اصل وچ زنگیانی ہن۔
- ملوکانی: ملوک خان گبول دی اولاد۔
- کیروانی: کیرو خان گبول دی اولاد۔
- ٹیانی: ٹیو خان دی اولاد۔
- بجارانی: بجار خان دی اولاد۔
- بھنبھانی: بھنبھو خان دی اولاد۔
- مالمانی: مالم خان دی اولاد۔
- قادرنانی: قادر ڈنو دی اولاد۔
- کجھ مؤرخین دے مطابق گبولاں دے ترائے پاڑے:
- جوگیانی
- مبارکانی
- نوتانی
حوالہ
[لکھو | ماخذ وچ تبدیلی کرو]- ↑ کلمتی گبول صفحہ 109، ناشر: ادارہ تحقیق و تاریخ، علی پور (2014)