کلفورڈ شل

کلفورڈ شل

کلفورڈ گلین ووڈ شل (23 ستمبر 1915 ، پٹسبرگ ، پنسلوانیا وچ – 31 مارچ 2001) ہک امریکی ماہر طبیعیات ہا ۔

جیوݨ جوڳ

شل پٹسبرگ وچ شینلے ہائی سکول وچ تعلیم حاصل کیتی ، کارنیگی انسٹیٹیوٹ آف ٹیکنالوجی توں بی ایس تے نیو یارک یونیورسٹی توں پی ایچ ڈی کیتی ۔ انہاں جنگ دے ویلھے دوران بیکن ، نیو یارک وچ ٹیکساس کمپنی کیتے کم کیتا ، ایندے بعد کلنٹن لیبارٹری (اوک رج نیشنل لیبارٹری) وچ ہک پوزیشن حاصل کیتی ، تے آخر کار 1955 وچ ایم آئی ٹی وچ شمولیت اختیار کیتی ، تے 1986 وچ ریٹائر تھیا ۔

او 31 مارچ 2001 کوں 85 سال دی عمر وچ فوت تھی ڳیا ۔

تحقیق

کلفورڈ جی شل کوں کینیڈین برٹرام بروک ہاؤس دے نال 1994 وچ طبیعیات دا نوبل انعام ݙتا ڳیا ۔ ݙوہیں نیوٹران سکیٹرنگ تکنیک دی ترقی کیتے انعام جتیا ۔ انہاں کنڈینسڈ مادے تے وی تحقیق کیتی ۔ پروفیسر شل دا انعام نیوٹران سکیٹرنگ وچ انہاں دے شاندار کم کیتے ݙتا ڳیا ، ہک ایسی تکنیک جیڑھی ݙکھلیندی اے جو ایٹم ہک مٹیریل وچ کتھاں ہوندن جیویں جو ریکوشیٹنگ گولیاں ݙکھلیندیاں ہن جو اندھارے وچ رکاوٹاں کتھاں ہوندیاں ہن ۔

جݙاں نیوٹران بیم کوں ہک مخصوص مٹیریل تے بھیڄا ویندا ہے ، تاں نیوٹران اچھل پوندن ، یا انہاں ایٹم ولوں سکیٹر کیتا ویندا اے جیڑھے زیر تفتیش نمونے وچ ہوندن ۔ نیوٹران دی سمت تبدیل تھی ویندی ہے ، ایں ڳال تے منحصر اے جو او کیہڑے ایٹم نال ٹکرا ڳئے ہن ، تے ایٹم دی پوزیشن دا ڈفریکشن پیٹرن حاصل کیتا ونڄ سڳدا ہے ۔ ایہ سمجھݨ جو ایٹم ہک مٹیریل وچ کتھاں ہوندن تے او ہک ݙوجھے نال کینجھے تعامل کریندن ، ہک مٹیریل دی خصوصیات کوں سمجھݨ دی کلید ہے ۔

"ول اساں سوچ سڳدے ہئیں جو اساں کینجھے بہتر ونڈو گلاس ، بہتر سیمی کنڈکٹرز ، بہتر مائیکروفون کینجھے بݨیا سڳدے ہئیں ۔ ایہ سب ڳالھیں انہاں دے آپریشن دے پچھوں بنیادی سائنس کوں سمجھݨ تے واپس ویندی ہن ،" پروفیسر شل ، اوں ویلھے 79 سال دے ہن ، نوبل دے اعلان دے ݙینہہ تے آکھیا ۔ ...

انہاں 1946 وچ کم شروع کیتا جیڑھا ہݨ اوک رج نیشنل لیبارٹری ہے ۔ اوں ویلے ، انہاں آکھیا ، "اوک رج وچ سائنسدان معلومات تے ٹیکنالوجی کیتے حقیقی ایماندارانہ سائنسی استعمال ڳولݨ کیتے ٻہوں بے چین ہن جیڑھی جنگ دے دوران اوک رج تے ٻئی جڳہواں تے تیار کیتی ڳئی ہئی جیڑھی جنگ دے ویلھے مین ہیٹن پروجیکٹ نال جڑی ہوئی ہئی ۔"

پروفیسر شل ارنسٹ وولان نال مل تے کم کیتا ، تے اڳلے نو سال تک انہاں جوہری ری ایکٹرز ولوں پیدا تھیوݨ والے نیوٹرانز کوں مٹیریل دی ایٹمی ساخت کوں جانچݨ دے طریقے ڳولے ۔

پروفیسر شل دی رائے وچ سب توں اہم مسئلہ جیڑھا انہاں اوں ویلھے حل کیتا او مٹیریل وچ ہائیڈروجن ایٹم دی پوزیشن دا تعین کرݨ نال متعلق ہا ۔

"ہائیڈروجن ایٹم تمام حیاتیاتی مواد وچ تے ٻہوں سارے ٻئے غیر نامیاتی مواد وچ موجود ہن ،" انہاں ہک واری آکھیا ، "لیکن تساں انہاں کوں ٻئی تکنیک نال نئیں ݙیکھ سڳدے ہا ۔ نیوٹرانز نال ایہ پتہ چلا جو ایہ بالکل مختلف ہا ، تے اساں ٻہوں خوش ہاسے جو اساں ہائیڈروجن تے مشتمل ساخت دے بارے وچ چیزاں سکھ سڳدے ہئیں ۔"

جیویں جو انہاں سکیٹرنگ تکنیک کوں بہتر کیتا ، پروفیسر شل نیوٹران دی بنیادی خصوصیات دا مطالعہ کیتا ۔ انہاں مقناطیسی مواد دی پہلی نیوٹران ڈفریکشن تحقیقات وی شروع کیتیاں ۔ ... "جے امریکہ وچ ... 'فادر آف نیوٹران سکیٹرنگ' کوئی ہے ، تاں او پروفیسر شل ہن ،" اینتھونی نونز لکھیا ... ، یونیورسٹی آف رہوڈ آئی لینڈ وچ فزکس دے پروفیسر ۔ ...

پروفیسر شل 1955 وچ ایم آئی ٹی وچ مکمل پروفیسر دے طور تے آئے ۔ تے 1986 وچ ریٹائر تھئے ، بھانویں جو او دورہ کریندے ریہے تے "میری پراݨی تحقیقی لیبارٹری دے باقیات وچ تجربات کرݨ والے طلباء دے کندھیاں تے ݙیکھدے ریہے ۔"

پروفیسر شل دے ایوارڈز وچ بکلی انعام شامل ہے ، جیڑھا انہاں 1956 وچ امریکن فزیکل سوسائٹی توں حاصل کیتا ہا ، تے امریکن اکیڈمی آف آرٹس اینڈ سائنسز (1956) تے نیشنل اکیڈمی آف سائنسز (1975) کیتے انتخاب وی شامل ہے ۔ 1993 وچ انہاں رائل سویڈش اکیڈمی آف سائنسز دا گریگوری امینوف انعام "ٹھوس چیزاں دی ایٹمی تے مقناطیسی ساخت دے مطالعہ کیتے نیوٹران ڈفریکشن طریقے تیار کرݨ تے لاڳو کرݨ کیتے" حاصل کیتا ۔

اعزازات

شل دے ذاتی ایوارڈز ، اعزازات تے انعامات

امریکن فزیکل سوسائٹی دا اولیور ای بکلی انعام ݙتا ڳیا ، 1956

امریکن اکیڈمی آف آرٹس اینڈ سائنسز کیتے منتخب تھیا ، 1956

نیشنل اکیڈمی آف سائنسز کیتے منتخب تھیا ، 1975

رائل سویڈش اکیڈمی آف سائنسز دا گریگوری امینوف انعام ݙتا ڳیا ، 1993

طبیعیات دا نوبل انعام ݙتا ڳیا ، 1994 ، جیڑھا انہاں کینیڈین ماہر طبیعیات برٹرام بروک ہاؤس دے نال ونڈیا ۔

انٹارکٹیکا وچ شل راکس انہاں دے اعزاز وچ ڄاتا ویندا ہے ۔