کشش ثقل
ثقالت، قوتِ ثقل یا کششِ ثقل (انگریزی: gravitation)، اوہ قوت ہِے جِیہڑی جیرھی کمیت (Mass) رکھݨ آلے یکے اجسام ہک ݙوجھے کوں آپݨے پاسے چھکݨ دے سانگوں ہِے. عام مفہوم وِچ اِیہ اوہ قوت ہِے جِیندے کنوں زمین تمام اجسام کوں آپݨی طرف چھکیندی ہِے (وزن)۔
اِیں سلسلے وِچ بے شمار نظریات مِلدن جنہاں وِچوں نیوٹن دا قانونِ عالمی تجاذب تے البرٹ آئنسٹائن دا نظریہ اضافیت ٻہوں مشہور ہِے۔ عام زِندگی وِچ اِیں قوت دا احساس اَساکوں کہیں شئے دے وزن دی صورت وِچ تِھیندے۔ اصل وِچ زمین تے ڈھہوݨ آلے اجسام زمین دی کشش دی وجہ نال ڈھہندن۔ زمین دی کمیت اوندے تے ڈھہوݨ آلیاں شیئاں دے مقابلے وِچ ٻہوں وَدھ ہِے، ہیں سانگے شیئاں کوں زمین آپݨے پاسے چھکیندی ہِے تے اِیں قوت کوں اساں وزن دی شکل وِچ ݙیکھدے ہَیں۔ ایہو وجہ ہِے جو جیویں جیویں اساں زمین دے مرکز توں پَرے تھیندے ویندے ہیں تاں وزن گھٹ تِھیندا ویندے۔ زمین تے وزن رکھݨ آلیاں شیئاں وی زمین کوں آپݨی طرف چھکیندیاں ہِن پر زمین دے مقابلے وِچ اِیہ قوت اِتلی گھٹ ہوندی ہِے جو اساکوں محسوس کائنی تِھیندی۔ کشش اوہ قوت ہِے جیندی وجہ نال زمین تے ٻئے سیارے سجھ دے آسوں پاسوں گھمدن تے نظامِ شمسی تے ٻئے نظام قائم ہِن۔ کائنات وِچ ہر پاسے اِیہ قوت کم کریندی پئی ہِے۔ زمین تے اجسام دا قائم رہوݨ، مدوجذر، مادے دے اجزاء دا ہک ݙوجھے نال جُڑا رہوݨ تے وݙے وݙے اجسام بݨاوݨ سبھے کششِ ثقل دی وجہ نال ہِن۔ سن 2010 وِچ عائشہ صدیقہ نے ثقالت دیاں شعانواں یعنی گریویٹیشنل ویوز تے تحقیق کِیتی ہِے جنہاں کوں لیزر آلات دے ذریعے نال محسوس کِیتا ویندے۔