کرنل راس

کرنل راس لیہ دے پہلے کمشنر بݨائے ڳئے جیہڑے 1850ء توں 1857ء تک ریہے۔ کرنل راس دی قبر لیہ شہر دے شمال ءِ چ موجود ہے ۔میجر پولاک جیہڑا ڈپٹی کمشنر ڈیرہ غازی خان ہا کجھ مہینے تک قائم مقام کمشنر ریہا اَتے بعد ءِ چ میجر برائون ایندی جاہ تے آیا سال 1860ء تک ریہالیہ دے پیج ڈپٹی کمشنر ریہے ۔کیپٹن ہالنگ (1849-1852) پہلا ڈپٹی کمشنر ہا اَتے آخری ڈپٹی کمشنر لیفٹیننٹ سمائلی ( 1860) ہا ۔جݙاں سال 1901ء ءِ چ پنجاب توں شمال مغربی سرحدی صوبے دا قیام عمل ءِ چ لایا ڳیا تاں نواں ضلع میانوالی بݨایا ڳیا جیہڑا چا تحصیلاں عیسیٰ خیل میانوالی بھکر تے لیہ دا ہا اَتے ضلع میانوالی کوں ملتان ڈویژن ءِ چ شامل کر ݙتا ڳیا ۔ اپریل 1909ء ءِ چ لیہ تحصیل کوں مظفر گڑھ ضلع ءِ چ مِلا ݙتا ڳیا اَتے اینکوں سب ڈویژن بݨا ݙتا ڳیا کوٹ ادو تحصیل پراݨاں لیہ ضلع ءِ  چ شامل ہئی سال 1859ء ءِ چ اینکوں مظفر گڑھ ضلع ءِ چ شامل کر ݙتا ڳیا ۔ تحصیل کوٹ ادو دا پُراݨاں ہیڈ کوارٹر کوٹ ادو ءِ چ ہا سال 1871ء ءِ چ ہیڈ کوارٹر تحصیل سناواں کوں منتقل کیتا ڳیا ۔اَتے ناں وی تحصیل سناواں رکھ ݙتا ڳیا ۔ سال 1919ء ءِ چ سیم دی زیادتی دی وجہ توں تحصیل دا ہیڈ کوارٹر کوٹ ادو واپس منتقل کر ݙتا ڳیا ۔ موجودہ تحصیل علی پور دا علاقہ ہمیشہ توں ضلع مظفر گڑھ دا حصہ ریہا ہے ۔ تحصیل دا ہیڈ کوارٹر پہلے سیت پور ءِ چ ہا جیہڑا بعد ءِ چ علی پور منتقل کر ݙتا ڳیا ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء