کرنسی

ایوب خان دے دور توں  پہلے روپیہ 16آنے دا ہوندا ہا ، کرنسی دے حصیں  دے ناں پائی پیسہ ، پولا پیسہ ، ٹکہ آنا ݙو آنی ، چار اَنی ، اَٹھ اَنی تے روپیہ ہوندے ہن ، ایوب خان دے دور ءِچ روپیہ سو پیسے دا تھی ڳیا ۔ ٹیڈی پیسے کوں  ایوب آلا پیسہ سݙیندے ہن ۔ کجھ مُد بعد ٹیڈی پیسہ بݨݨ بند تھی ڳیا ، میݙے ابے آکھیا ایوب آلا پیسہ فقیر وی نی گھندا ، وقعت نی رہ ڳی ، حکومت آکھدی اے ہک پیسہ بݨاوݨ تے سوا پیسہ لاگت اَمدی اے ، میݙے چاچے عبداللہ آکھیا جو حکومت دا کٻاڑا سمجھو ، جیندی کرنسی بݨاوݨ ءِچ مہانگی ہووے اَڄ جو حال ءِآپ حساب لا گھنو۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان