کرشن لال بھیل

لکھت:ادی نیناں

پیریں تریڑے رت دے، کئی رلی جان ملوک

ہرہر ٹٻڑے کوک، کھڑ پنل میکوں نال نے.

فقیرابھڳت دا اِکویہواں ورہیݨاں.

"چولستان دی نایاب آواز"

سرائیکی وسیب دے لوک گلوکاریں ءچ فقیرابھڳت دا ناء سرِفہرست ہے. فقیرابھڳت وسیب سمیت پورے پاکستان دا فخر ہا ایں گلوکار دی آواز روہی دی ارداس، لاچار تے بےوَسے روہلیں دی کوک اتے. تسی روہی ڄائیں دی آواز ہئی. او ھک درویش صفت گلوکار ہا. کلاسیکل لوک گیتیں دے نال نال خواجہ غلام فرید دیں کافیں کوں ڳا تے امر کر ڳئے. انہیں کوں سرائیـکی تے ماروڑی گائیکی تے عبور حاصل ہئی انہیں دنیا دے ٻے ملکیں ءچ اپݨے فن دا مظاہرہ کرتے پورے جڳ ءچ ملک تے وسیب دا ناء روشن کیتونیں انہیں کوں داد، پزیرائی تے کئی اِوارڈ ملے. اے سوہݨی، مِٹھی تے نایاب آواز ١١مئی١٩٩٩ ءچ خاموش تھی ڳئی اڄ ایں درویش صفت گلوکار دا اکویھواں ورہیݨاں ہے

٧مئی ٢٠٢٠ء کوں ساݙے ٻے وݙے گلوکار کرشن لال بھیل جھوک لݙا ڳین لیکن اساݙی حکومت نہ تاں جیندیں جی گلوکاریں تےفنکاریں دادرسائی کریندی اے نہ انہیں دے مرݨ دے بعد.

میں ملک دے صحافیں، ادیبیں تے دانشوریں کوں ارداس کریندی ہاں کہ جو سمورے جڳ ءچ ملک دا ناء روشن کرݨ والے گلوکاراں تے فنکاراں دے حق سانگے آواز بلند کرِن ـ

سرائیکی عوامی تریمت تحریک

فقیرا بھگت کوں انھاں دے مرنڑ دے 11 سال بعد صدارتی ایوارڈ ڈتا گیا ہا تے ہنڑ کرشن لال بھگت دے مرنڑ دے بعد انھاندی امداد دااعلان کیتا گئے ۔۔جے جیندے جی مل ویندی تاں شئیت کجھ سوکھ تھی پوندی۔

بغیر کہیں حکومتی سرپرستی دے ہزاراں سالاں دا سفر طے کر کے ماکھی توں مٹھی سرائیکی زبان اساں تک آپݨی صحیح حالت وچ پڄی ہے تاں یقینی طور تے ایندے وچ سینہ باسینہ اساں تک پڄݨ والے قصے، اکھاݨاں ، ٻڄھارتاں دے نال اساڋے گلوکاریں تے اساڋے شعراء دا ٻہوں اہم کردار ہے ۔ شعراء تے گلوکار بھاویں کہیں وی زبان دے ہوون او زبان دے محافظ ہوندن ۔