کرشنا کوہلی

کرشنا کوہلی
رکن ایوان بالا پاکستان
آغاز منصب 12 مارچ 2018ء
معلومات شخصیت
ڄَمّݨ دی تریخ تے جاء	1 فروری 1979ء (46 سال)  ضلع تھرپارکر
شہریت	پاکستان
جماعت	پاکستان پیپلز پارٹی
عملی حیاتی
مادر عِلمی	جامعہ سندھ
پیشہ	سیاست دان
ماء ٻولی	اردو
پیشہ ورانہ زبان	اردو
شعبۂ عمل	انسانی حقوق
اعزازات
100 خواتین (بی بی سی) (2018)

کرشنا کماری کوہلی (سانچہ:Language with name، سانچہ:Lang-en، مختصر ناں کشو بائی) ہِک پاکستانی سیاست دان، جہڑی ایوان بالا پاکستان دی مارچ 2018ء کنوں چُݨی ڳئی رُکن ہِے۔ اُوہ پہلی ہندو دلت زنانی اَتے اِیہ منصب پاوݨ آلی ݙوجھی ہندو زنانی (پہلی رتنا بھگوان داس چاولا) ہِے۔ اِیں نے زنانیاں دے حقوق کِیتے اَتے بندھوا مزدوری دے خلاف مہم چلائی ہَئی۔

ابتدائی حیاتی اَتے تعلیم

کرشنا کوہلی 1 فروری 1979ء کوں نگر پارکر دے پسماندہ علاقے نال تعلق رکّھݨ آلی غریب ٹٻّر وِچ ڄَمّی ہَئی۔ جہڑیلے اُوہ نِکڑی ہَئی اَتے تریجھی جماعت دی طالبہ ہَئی، تاں اُوکوں اَتے اُون٘دے ٹٻّر کوں بندھوا مزور بݨا تے ترے سال کِیتے ضلع عمر کوٹ دے نجی قید خانے وِچ (جین٘دا مالک ہِک وݙیرا ہَئی) قید کر گِھدّا ڳِیا۔ انّھاں کوں اُوں ویلے اَزادی مِلّی جہڑیلے پولیس نے اِیں نجی قید خانے وِچ چھاپہ ماریا۔ اِیں نے ابتدائی تعلیم ضلع عمر کوٹ کنوں گِھدّی اَتے وَل ضلع میرپور خاص کنوں گِھدّی۔

اِیں نے 1994ء وِچ 16 ورھیاں دی عمر وِچ شادی کِیتی اُوں ویلے اُوہ نان٘ویں جماعت دی طالبہ ہَئی۔ اِیں نے شادی دے بعد آپݨی تعلیم جاری رکھی اَتے 2013ء وِچ جامعہ سندھ کنوں عمرانیات وِچ ماسٹر دی ڈگری گِھدّی۔

سیاسی حیاتی

کرشنا کوہلی نے پاکستان پیپلز پارٹی (پی پی پی) وِچ ہِک سماجی فعالیت پسند دے طور تے شمولیت اختیار کِیتی تاں جو اُوہ تھر دے علاقے دی اچھوت بِیادریاں دے حقوق کِیتے مہم چلا سڳے۔ 2018ء دے پاکستانی ایوان بالا چوݨاں وِچ اُوہ پیپلز پارٹی دی سندھ کنوں اُمیدوار ہَئی اَتے اُوہ انّھاں چوݨاں وِچ کامیابی نال چُݨی ڳئی۔

اعزاز

2018ء کوں بی بی سی نے کرشنا کوں با اثر 100 زنانیاں (بی بی سی) دی تن٘دِیر وِچ شامل کِیتا۔

ٻِیا ݙیکھو

• 100 زنانیاں (بی بی سی)