کجھ سرائیکی گیت
چِٹا چولا سی ڈے درزی
[لکھو | ماخذ وچ تبدیلی کرو]چِٹا چولا سی ڈے درزی
چِٹا چولا سی ڈے درزی
نہی بولیندا ڈھولے دی مرضی
چِٹا چولا آیا باہروں
روندے آئے آں ڈھولے دے شہروں
چِٹا چولا سی ڈے درزی
نہی بولیندا ڈھولے دی مرضی
چٹا چولا لائی کناری
کچی نکلی ڈھولے دی یاری
چِٹا چولا سی ڈے درزی
نہی بولیندا ڈھولے دی مرضی
چِٹا چولا میں سانبھ رکھ ساں
کے تائیں ڈھولا میں تیڈی تانگھ رکھ ساں
چِٹا چولا سی ڈے درزی
نہی بولیندا ڈھولے دی مرضی
چِٹا چولا سوہنڑاں ہار اے
کیں دی من کے رُسا وداء یار اے
چٹا چولا سی ڈے درزی
نہی بولیندا ڈھولے دی مرضی
چِٹا چولا لایا مَایا
اج وی جیونڑ نہی ملنڑ آیا
چِٹا چولا سی ڈے درزی
نہی بولیندا ڈھولے دی مرضی
چن کتھاں گزاری ائی رات وے
[لکھو | ماخذ وچ تبدیلی کرو]شاعرہ: پوجا بائی دیرہ اسماعیل خان ١٩٣٠ء
گلوکار تے موسیقار: پروفیسر دینا ناتھ ١٩٣٠ء دیرہ اسماعیل خان
چن کتھاں گزاری ائی رات وے
مینڈا جی دلیلاں دے وات وے
کوٹھے تے پر-کوٹھڑا ماہی کوٹھے سکدا گھاہ بھلا
عاشقاں جوڑیاں پوڑیاں تے معشوقاں جوڑے راہ بھلا
کوٹھے تے پر-کوٹھڑا ماہی کوٹھے سکدی ریت بھلا
اساں گندائیاں مینڈھیاں توں کسے بہانے ویکھ ذرا
کوٹھے تے پر-کوٹھڑا ماہی کوٹھے تے تنور بھلا
پہلی روٹی توں کھاویں تینڈے ساتھی نسّ گئے دور بھلا
کوٹھے تے پر-کوٹھڑا چن کوٹھے تے تندور بھلا
ہسدیاں ہسدیاں کر گیوں کیوں دل نوں چکناچور بھلا
کوٹھے تے پر-کوٹھڑا ماہی اوتھے بیٹھا کاں بھلا
توں تے مینکوں بھل گئیں میں تے اجے وی تیری ہاں بھلا
کوٹھے تے پر-کوٹھڑا ماہی کوٹھے سکدیاں توریاں
کلیاں راتاں جاگ کے میں نپیاں تیریاں چوریاں
کوٹھے تے پر-کوٹھڑا ماہی کوٹھے دے وچّ باریاں
ہن تاں واپس آ ماہی توں جتیا تے میں ہاریاں
تیݙی چن پردیس تیاری ہے
[لکھو | ماخذ وچ تبدیلی کرو]سرائیکی گیت شاعر سئیں خلیل بلوچ
تیݙی چن پردیس تیاری ہے
میں رو رو رت گزاری ہے
میں راتئیں ہݨ نہ سمدی ہاں
تیݙی چا تصویر کوں چمدی ہاں
میݙی روندی دل بیچاری ہے
تیݙے پیار کوں میں نمی بھل سگدی
مجبور ہاں میں نمی جل سگدی
تیݙی کیوں پردیس تیاری ہے
تیݙی فوٹوں ہاں نل لیندی ہاں
پئ رو رو مونجھ لہندی ہاں
ہر پاسوں رات اندھاری ہے
تئیں باجھ خلیل میں رول ویساں
ول ݙیکھی مرݨ تے تول ویساں
تیݙی ڈس ہاں کینجھی یاری ہے