کجن بائی
| کجن بائی | |
|---|---|
| معلومات شخصیت | |
| ڄم دی تاریخ | سنہ 1915ء |
| وفات | سنہ 1945ء (29–30 سال) |
| عملی زندگی | |
| پیشہ | گلو کارہ ، ادکارہ |
درستی - ترمیم 
| |
کجن بائی دا اصل ناں جہاں آرا کجن ہئی تے لوک انہاں کوں کجن بائی یا مس کجن آہدے ہن تے سݙیندےہن۔ اوہ 1920ء تے 1930ء دےݙہاکے وچ ہندی سنیما دی ہک مشہور گلوکارہ تے اداکارہ ہن۔ انہاں کوں "بنگال دی کوئل" آکھیا ویندا ہئی۔ اوہ الواوݨ آلیاں فلماں دے ابتدائی دور وچ ہک ماڈرن اداکارہ، کلاسیکی گلوکارہ، فیشن آئیکن تے خوبصورت اداکارہ ہن۔ انہاں کوں "لارک آف ہندی سنیما" تے "بنگال دی بلبل" دے لقب نال وی ڄاݨیا ویندا ہئی۔[١]
حالات زندگی
[لکھو | ماخذ وچ تبدیلی کرو]جہاں آرا کجن دی ولادت 15 فروری 1915ء کوں لکھنؤ وچ ہک مشہور مغنیہ دے گھر تھئی۔ اوہ بھاگلپور دے نواب چمی صاحب دے دربار وچ اپݨی آواز تے موسیقی دی صلاحیتاں کیتے مشہور ہن۔ کجن نے ابتدائی تعلیم گھر تے حاصل کیتی تے انگریزی وی سکھی۔ انہاں کوں اردو ادب تے وی دسترس حاصل ہئی تے انہاں نے شاعری وی لکھی، جیندے وچ انہاں دا تخلص "ادا" ہئی۔ انہاں نے پٹنہ دے استاد حسین خان توں کلاسیکی موسیقی دی تعلیم حاصل کیتی تے پٹنہ دی ہک تھیٹر کمپنی وچ کم کیتا۔ بعد وچ اوہ کولکاتا دی الفریڈ کمپنی وچ شامل تھئین تے مدن تھیٹر نال وابستہ رہین۔[٢]
1931ء وچ صوتی سنیما دے آغاز دے نال، کجن بائی بالی ووڈ دی پہلی سپراسٹار بݨ ڳئی۔ انہاں دی فلم شیریں فرہاد، جیندے وچ 42 ڳاݨے ہن، نے ہندوستان وچ زبردست شہرت حاصل کیتی۔ انہاں دی ٻیاں مشہور فلماں وچ لیلا مجنوں، اندر سبھا، بلوا منگل، شکنتلا، تے علی بابا تے چالیس چور شامل ہن۔
وفات
[لکھو | ماخذ وچ تبدیلی کرو]کجن بائی دی وفات 1945ء کوں ممبئی، مہاراشٹر، بھارت وچ تھئی۔ اوہ اپݨے دور دی ہک منفرد تے حسین اداکارہ تے گلوکارہ دے طور تے یاد کیتا ویندے۔[٣]
حوالہ
[لکھو | ماخذ وچ تبدیلی کرو]- ↑ Plan Neville (24 دسمبر 2015)۔ "A gem called Jahanara Kajjan"۔ The Hindu۔ اخذ شدہ بتاریخ 2018-04-12
- ↑ Orsini 2006: 272
- ↑ Pran Neville (24 دسمبر 2015)۔ "A gem called Jahanara Kajjan"۔ The Hindu۔ The Hindu۔ اخذ شدہ بتاریخ 2018-04-13