کبیروالا

کبیر والاضلع خانیوال دی تحصیل ہے۔ لاہور ملتان روڈ خانیوال توں 9میل دے فاصلے تے واقع ہے۔ تحصیل دا صدر مقام پہلے سرائے سدھو اچ ہا لیکن سدھنائی نہر دی تعمیر دے نال ای اتھاں منتقل تھی ڳیا۔ صنعتی لحاظ نال حالی ترقی یافتہ کائنی۔کپاہ دے ݙو کارخانے، گھیو دا کارخانہ تے ہک برف دا کارخانہ ہے۔ طلبہ کیتے انٹر کالج طالبات کیتے ہائی سکول ہن۔ دینی مدارس اچ عربیہ تے دارالعلوم عید گاہ قابل ذکر ہن۔ ہک جدید ہسپتال وی بݨایا ڳیا ہے۔ جھنگ روڈ تے نویں غلہ منڈی قائم کیتی ڳئی ہے۔ اتھاں حضرت شیخ کبیر دا مزار مرجع خلائق ہے۔ انہاں دی نسبت نال کبیروالا سݙویندا ہے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء