کاظم حسین کاظم
کاظم حسین کاظم سرائیکی شاعر ہے،
اصل ناں کاظم حسین
تخلص کاظمؔ
جٖمنْ 1988ء
تعلیم ایف اے
پیشہ ذاکری
فون نمبر 0343 7869372
جاہ پتہ ہاشمی چوک دریا خان ضلع بھکر
کاظم حسین کاظم ؔ ضلع بھکر دے مہاندرے شاعر ہن ، انہاں دی شاعری دا خاص موضوع حسینیت ہے ، ذاکری کریندن، مجالس پڑھدن۔تے اپنْی شاعری وچ آلِ رسول تے تھیونْ آلے مظالم تے مصائب بیان کریندن۔ غزل وی خوب صورت لکھدن۔
غزل
[لکھو | ماخذ وچ تبدیلی کرو]ورد اوندا قضا وی نئیں کیتا
جئیں میڈٖا تذکرہ وی نئیں کیتا
بعد تیڈٖے ہے رات ہر ویلے
سجھ ولا سوجھلا وی نئیں کیتا
جے توں روکیں ہا رُک ونجٖاں ہا میں
تَیں تاں سکھنْاں الا وی نئیں کیتا
میکوں سارے جو روونْاں آہدن
میں تاں کہیں دا گلا وی نئیں کیتا
ہتھ وی ڈٖکھدن مساگٖ مل مل کے
اوں تاں ڈٖیکھنْ روا وی نئیں کیتا
ڈٖیکھاں جیندے یا مر گٖئے کاظمؔ
تَیں تاں وت رابطہ وی نئیں کیتا
کلام
[لکھو | ماخذ وچ تبدیلی کرو]میڈے ہوونڑ دا ڈکھ
تیڈے رو ونڑ دا ڈکھ
سوئی دے چنجھ تے ودۓ
ہار پوونڑ دا ڈکھ
اوکوں کھلنڑ دا غم
ساکوں روونڑ دا ڈکھ
پہلے بہاونڑ دا ہائی
ہنڑ کھڑو ونڑ دا ڈکھ
ہتھ نہ ہوونڑ دی ہنج
مہندی لوونڑ دا ڈکھ
سکے کھوہ دے اتے
ڈاند جونڑ دا ڈکھ
بے ردا وقت کوں
خون رو ونڑ دا ڈکھ
جیکوں پا نہ سنگا
اوکوں کھوونڑ دا ڈکھ
بھل ونجنڑ دی سزا
پیش پوونڑ دا ڈکھ
ہنج دا مقسوم ہے
پیر دھونڑ دا ڈکھ
رلے کھلنڑ کوں ڈس
کلہے رونڑ دا ڈکھ
میکوں تیڈے سوا
اپنڑے ہوونڑ دا ڈکھ
تیڈیاں اکھیں دیوچ
ریت پوونڑ دا ڈکھ
کیں کوں ملنڑ دا ڈکھ
کیں کوں لوہونڑ دا ڈکھ
میکوں ہنج کر گیئے
کہیں دے رونڑ دا ڈکھ
لیپا ڈیونڑ دی سک
کوٹھا چوونڑ دا ڈکھ
سوجھلے وچ ودۓ
رات پوونڑ دا ڈکھ
انگلیاں ترٹ پیاں
چھلے ہوونڑ دا ڈکھ
نک دے ہوندے ہوئے
نک نہ ہوونڑ دا ڈکھ
کاظم حسین کاظم