کارتالکیا ہوٹل اچ بھاہ، 2025ء
21 جنوری 2025ء کوں ترکی دے علاقے کارتالیہ سکی ریزورٹ وچ گرینڈ کارٹل ہوٹل وچ بٻہوں وݙی بھاہ لڳی۔ ایں سانحے وچ کم از کم 79 قیمتی جانیں دا ضیا تھیا تے 51 افراد زخمی تھئے۔
وجوہات:
ابتدائی اطلاعات دے مطابق، بھاہ ریسٹورنٹ دے حصے وچ لگی۔ ایں واقعے دا افسوسناک پہلو ایہہ ہا کہ ایہہ سیالے دیاں چھٹیاں ہن تے ہوٹل وچ لوکیں دی وݙی تعداد موجود ہئی۔ بھاہ ایویں تیزی نال پھیلی کہ اسپرنکلرز موجود نہ ہن تے فائر الارم تے ٻئے حفاظتی نظام وی کم نہ کریندے پئے ہن۔ منجمد موسم تے ہوٹل دا دور دراز مقام ہوݨ دی وجہ نال بچاوݨ دی کوششاں وی متاثر تھیاں۔ زیادہ تر اموات دم گھٹݨ نال تھی ڳیاں۔
جانی نقصان:
ایں آتشزدگی وچ کم از کم 78 افراد ہلاک تھئے، جنہاں وچوں گھٹ از گھٹ ݙو افراد نے گھبراہٹ وچ عمارت توں درک وی کھادا ہئی۔ 51 ٻئے افراد وی زخمی تھئے، جنہیں وچوں ہک دی حالت نازک ہئی۔ مقامی میڈیا دے مطابق مرݨ آالیاں وچ کم از کم 20 ٻال وی شامل ہن۔ ہلاک ہوݨ آلیاں وچ ہک ہی خاندان دے ٻہوں سارے افراد شامل ہن تے ہک خاندان دے 10 توں ودھ افراد ہلاک تھئے۔
تحقیقات:
ایں افسوسناک واقعے دی تحقیقات کیتے چھ وکیلاں تے پنج ماہرین تے مشتمل ہک ٹیم تشکیل ݙتی ڳئی ہے۔ ہوٹل دے مالک، بولو دے ڈپٹی میئر سیدات گلنر تے فائر ڈیپارٹمنٹ دے ڈپٹی ڈائریکٹر کینان کوکون سمیت 11 افراد کوں پوچھ گچھ کیتے گرفتار کیتا ڳیا ہے۔
رد عمل:
ایں سانحے تے الجزائر، آرمینیا، آذربائیجان، بحرین، بیلاروس، بیلجیم، بوسنیا تے ہرزیگووینا، برونائی، چین، کولمبیا، کرویئشا، چیک جمہوریہ، مصر، ایتھوپیا، یورپی یونین، فرانس، جرمنی، جارجیا، یونان، ترک ثقافت دی بین الاقوامی تنظیم، ایران، عراق، اردن، قازقستان، کوسووو، کرغیزستان، کویت، نائیجیریا، شمالی قبرص، ترک ریاستاں دی تنظیم، پولینڈ، قطر، پاکستان، روس، روانڈا، سعودی عرب، سربیا، سلوواکیہ، سلووینیا، صومالیہ، شام، یوکرین، متحدہ عرب امارات، ازبکستان، وینزویلا تے ویتنام سمیت ٻہوں سارے ممالک تے بین الاقوامی تنظیماں نے تعزیتی پیغامات بھیجے ہن۔
ایں دلخراش سانحے وچ قیمتی جانیں دے ضیاع تے پوری دنیا افسردہ ہئی تے متاثرہ خاندانیں نال ہمدردی دا اظہار کیتا ڳیا۔[١]