ڈیوڈ گراس

ڈیوڈ گراس

ڈیوڈ جوناتھن گراس (ڄمݨ دی تریخ 19 فروری 1941) ہک امریکی نظریاتی طبیعات دان تے سٹرنگ تھیورسٹ ہن ۔ فرینک ولزیک تے ڈیوڈ پولٹزر دے نال ، انھاں کوں ایسمپٹوٹک آزادی دی دریافت کیتے 2004 دا نوبل انعام برائے فزکس ݙتا ڳیا ۔ گراس یونیورسٹی آف کیلیفورنیا ، سانتا باربرا (UCSB) دے کاولی انسٹیٹیوٹ فار تھیوریٹیکل فزکس (KITP) وچ چانسلر دے چیئر پروفیسر آف تھیوریٹیکل فزکس ہن ، تے پہلے KITP دے ڈائریکٹر تے انھاں دے فریڈرک ڈبلیو گلوک چیئر ان تھیوریٹیکل فزکس دے حامل ریہے ۔ او UCSB فزکس ڈیپارٹمنٹ وچ فیکلٹی ممبر وی ہن تے کیلیفورنیا دی چیپمین یونیورسٹی وچ انسٹیٹیوٹ فار کوانٹم اسٹڈیز نال وابستہ ہن ۔ او چائنیز اکیڈمی آف سائنسز دے غیر ملکی ممبر ہن ۔

ابتدائی زندگی تے تعلیم

گراس آسٹریا ہنگری دے ہک یہودی خاندان وچ ڄمے ہن ۔ انھاں دے ݙاݙا ہنگری وچ ڄمے ہن ۔ فروری 1941 وچ واشنگٹن ڈی سی وچ ڄمے ہن ۔ انھاں دے ماء پیو نورا (فائن) تے برٹرام مائرون گراس (1912–1997) ہن ۔ گراس 1962 وچ عبرانی یونیورسٹی آف یروشلم ، اسرائیل توں اپݨی بیچلر دی ڈگری حاصل کیتی ۔ انھاں 1966 وچ جیفری چیو دی نگرانی وچ یونیورسٹی آف کیلیفورنیا ، برکلے توں فزکس وچ پی ایچ ڈی حاصل کیتی ۔

تحقیق تے کیریئر

1973 وچ ، گراس اپݨے پہلے گریجویٹ طالب علم ، فرینک ولزیک دے نال پرنسٹن یونیورسٹی وچ کم کریندے ہوئے ، ایسمپٹوٹک آزادی دریافت کیتی ۔ جیڑھا جو غیر ایبیلیئن گیج تھیوریز دی بنیادی خصوصیت ہے ۔ جنھاں گراس تے ولزیک کوں کوانٹم کرومو ڈائنامکس (QCD) دی تشکیل تے مجبور کیتا ، جیڑھا جو مضبوط نیوکلیئر فورس دا نظریہ ہے ۔ ایسمپٹوٹک آزادی ہک ایہو جیہا رجحان ہے جتھاں نیوکلیئر فورس گھٹ فاصلے تے کمزور تھی ویندی ہے ، جیڑھا جو وضاحت کریندا ہے جو ٻہوں زیادہ توانائی تے تجربات کوں ایں طرح سمجھا ونڄ سڳدا ہے جیویں جو نیوکلیئر ذرات غیر تعامل کرنے والے کوارکس توں بݨئے ہن ۔ ایں کیتے ، جیویں جیویں کوارکس ہک ٻئے دے نیڑے تھیندے ہن ، اویں اویں انھاں دے درمیان مضبوط تعامل (یا رنگ چارج) گھٹ تھیندا ہے جݙݨ کوارکس انتہائی نیڑے ہوندے ہن ، تاں انھاں دے درمیان نیوکلیئر فورس اتنی کمزور ہوندی ہے جو او تقریباً آزاد ذرات دی طرح سلوک کریندے ہن ۔ ایسمپٹوٹک آزادی دا الٹ پاسہ ایہ ہے جو کوارکس دے درمیان فورس ودھ مضبوط تھیندی ہے جیویں جیویں کوئی انھاں کوں وکھ کرݨ دی کوشش کریندا ہے ۔ ایہ او وجہ ہے جو ایٹم دے نیوکلیئس کوں کݙاہیں وی انھاں دے کوارک اجزاء وچ نہ ونڈیا ونڄ سڳدا ۔

QCD سٹینڈرڈ ماڈل مکمل کیتا ، جیڑھا جو پارٹیکل فزکس دیاں ترائے بنیادی فورسز — برقی مقناطیسی فورس ، کمزور فورس تے مضبوط فورس کوں بیان کریندا ہے ۔ گراس کوں پولٹزر تے ولزیک دے نال ایں دریافت کیتے 2004 دا نوبل انعام برائے فزکس ݙتا ڳیا ۔

گراس جیفری اے ہاروی ، ایمیل مارٹینک تے ریان روہم دے نال مل تے ہیٹروٹک سٹرنگ دا نظریہ وی پیش کیتا ۔ چاراں کوں خوشگوار انداز وچ "پرنسٹن سٹرنگ کوارٹیٹ" دا ناں ݙتا ڳیا ۔ او اڄ وی KITP وچ ایں شعبے وچ پرکھ پرچول جاری رکھیے ہوئے ہن ۔

او ہارورڈ یونیورسٹی (1966–69) وچ جونیئر فیلو ہن تے 1997 تئیں پرنسٹن یونیورسٹی وچ یوجین ہگنز پروفیسر آف فزکس ہن ، جݙݨ انھاں پرنسٹن دے تھامس جونز پروفیسر آف میتھمیٹیکل فزکس ایمریٹس دے طور تے خدمات انجام ݙیوݨا شروع کیتا ۔ انھاں کوں ٻہوں سارے اعزازات مل چکے ہن ، جنھاں وچ 1987 وچ میک آرتھر فاؤنڈیشن فیلوشپ تے 1988 وچ ڈیرک میڈل شامل ہن ۔

سرگرمیاں

2003 وچ ، گراس 22 نوبل انعام یافتگان وچوں ہک ہا جنھاں ہیومنسٹ مینیفیسٹو تے دستخط کیتے ۔

گراس طبیعات وچ نوبل انعام دے 20 امریکی وصول کنندگان وچوں ہک ہن جنھاں مئی 2008 وچ صدر جارج ڈبلیو بش کوں لکھے ڳئے ہک خط تے دستخط کیتے ، انھاں تے زور ݙیندے ہوئے جو "مالی سال 2008 اومنیبس اپروپریشنز بل وچ بنیادی سائنس دی پرکھ پرچول کوں پہنچݨ والے نقصان کوں الٹاؤ" محکمہ توانائی دے دفتر برائے سائنس ، نیشنل سائنس فاؤنڈیشن تے نیشنل انسٹیٹیوٹ آف سٹینڈرڈز اینڈ ٹیکنالوجی کیتے اضافی ہنگامی فنڈنگ دی درخواست کر کے ۔

2015 وچ ، گراس 65ویں لنڈاؤ نوبل انعام یافتہ میٹنگ دے آخری ݙینہہ تے موسمیاتی تبدیلی تے میناؤ اعلامیہ 2015 تے دستخط کیتے ۔ ایں اعلامیے تے کل 76 نوبل انعام یافتگان دستخط کیتے ہن تے اسے فرانسیسی جمہوریہ دے اوں وقت دے صدر ، فرانسوا اولاندے کوں پیرس وچ کامیاب COP21 موسمیاتی سربراہ اجلاس دے حصے دے طور تے سونپیا ڳیا ہا ۔

ٹٻر

گراس دی پہلی ذال شولمیتھ (ٹواف) ہئی ، تے انھاں دے ݙو ٻال ہن ۔ انھاں دی ݙوجھی ذال ، جیکولین سوانی توں ہک سوتیلی دھی وی ہے ۔ انھاں دے ترائے بھرا ہن ، جنھاں وچ لیری گراس ، پروفیسر آف کمیونیکیشن ، سیموئل آر گراس ، پروفیسر آف لاء ، تے تھیوڈور (ٹیڈی) گراس ، ہک ڈراما نگار شامل ہن ۔

اعزازات تے ایوارڈز

·        جے جے ساکورائی انعام ، امریکن فزیکل سوسائٹی (1986)

·        فیلوشپ انعام ، میک آرتھر فاؤنڈیشن (1987)

·        ڈیرک میڈل ، انٹرنیشنل سینٹر فار تھیوریٹیکل فزکس (1988)

·        آسکر کلین میڈل ، رائل سویڈش اکیڈمی (2000)

·        ہاروی انعام ، ٹیکنیون-اسرائیل انسٹیٹیوٹ آف ٹیکنالوجی (2000)

·        ہائی انرجی اینڈ پارٹیکل فزکس انعام ، یورپیئن فزیکل سوسائٹی (2003)

·        گرانڈے میڈائل ڈی'اور ، فرینچ اکیڈمی آف سائنسز (2004)

·        نوبل انعام برائے فزکس (2004)

·        گولڈن پلیٹ ایوارڈ ، اکیڈمی آف اچیومنٹ (2005)

·        سان کارلوس بورومیو انعام ، یونیورسٹی آف سان کارلوس ، فلپائن (2008)

·        سائنس وچ آنریری ڈاکٹریٹ ، یونیورسٹی آف کمبوڈیا (2010)

·        رچرڈ ای پرانج انعام ، یونیورسٹی آف میری لینڈ (2013)

·        میڈل آف آنر ، جوائنٹ انسٹیٹیوٹ فار نیوکلیئر ریسرچ ، ڈوبنا ، روس (2016)

اکیڈمیاں تے سوسائٹیاں وچ رکنیت

·        این ایس ایف گریجویٹ ریسرچ فیلوشپ پروگرام ، نیشنل سائنس فاؤنڈیشن (1963–66)

·        فیلوشپ ، الفریڈ پی ۔ سلوان فاؤنڈیشن (1970–74)

·        فیلو ، امریکن فزیکل سوسائٹی (1974 وچ چݨے ڳئے)

·        ممبر ، امریکن اکیڈمی آف آرٹس اینڈ سائنسز (1985 وچ چݨے ڳئے)

·        ممبر ، نیشنل اکیڈمی آف سائنسز (1986 وچ چݨے ڳئے)

·        فیلو ، امریکن ایسوسی ایشن فار دی ایڈوانسمنٹ آف سائنس (1987 وچ چݨے ڳئے)

·        آنریری فیلو ، ٹاٹا انسٹیٹیوٹ آف فنڈامینٹل ریسرچ (2005)

·        ممبر ، امریکن فلاسوفیکل سوسائٹی (2007 وچ چݨے ڳئے)

·        آنریری فیلو ، انڈین اکیڈمی آف سائنسز ، بنگلور ، انڈیا (2007 وچ چݨے ڳئے)

·        فیلو ، دی ورلڈ اکیڈمی آف سائنسز فار دی ڈیولپنگ ورلڈ (2007 وچ چݨے ڳئے)

·        ممبر ، انٹرنیشنل اکیڈمی آف فلاسفی آف سائنس (2009 وچ چݨے ڳئے)

·        غیر ملکی ممبر ، چائنیز اکیڈمی آف سائنسز (2011 وچ چݨے ڳئے)

·        غیر ملکی ممبر ، رشین اکیڈمی آف سائنسز (2016 وچ چݨے ڳئے)

·        صدارتی لائن وچ چار سالہ مدت کیتے چݨے ڳئے ، امریکن فزیکل سوسائٹی (2016–2020)