ڈیرہ غازی خان دا ادبی پس منظر

او و ی ہک وقت ھا ڈیرہ غازیخاں دی سنجانڑ صرف ڈو نانویں نال تھیندی ھئی ہک ناں ھوندا ھا بزم اے سائل ڈوجھا ناں ھوندا ھا بزم اے اشرف اے ڈو بزماں اتناں طاقتور ھوندیاں ھن جو انہیں دے علاوہ پکھی وی پر نہ مار سگدا ھا پورا لوکیں دا سمندر صرف ہنائیں ڈو نانویں اچ تقسیم ھوندا ھا ھوں وقت ہکو ضلع ھوندا ھا رمک تون گھن شاہوالی تک جیرھی گال چلے ھا ہکا گال چلدی ھئی ول ھوں ویلھے ڈیئون ملتان ھوندا ھا ول ملک ای صرف ملتان لگدا ھا ایں ملتان ڈوثرن دیاں درھے ساریاں طاقتور ادبی تنظیماں ھوندیاں ھن ول ساریں ادبی تنظیمیں دا تعلق وی انہیں ڈو سر پرست تنظیمیں نال ابنڑدا ھا اوں ویلھے اے ڈوتنظیماں بزم اے سائل تیں بزم اے اشرف خدا دی خدائی لگدیاں ھن اون ویلھے لوک اتھاں صرف ڈوقسم دے رہندے ھن ہک او لوک جیرھے کہیں نہ کہیں حوالے نال ہک لوک صرف انہیں ڈو تنظیمیں نال مکمل منسلک کھڑے ھن بے کجھ لوک اووی تھوڑی تعداداچ کہیں شئے دا حصہ نہ ھوندے ھن بلکہ ایں جہان دا حصہ نہ ھوندے ھن اوں ویلھے بندیں صرف ڈوترائے شوق ھوندے ھن ہک شوق دیرے الے سالانہ جلسے دا جیندے اچ اٹھ گھوڑے گھوڑیاں ڈاند ڈنگر مشہور جاہیں جلسے الی جاہ دل ۔دیرے دا جی ٹی ایس دا اڈہ ۔دیرے دا کمپنی باغ ۔گھوڑیں ٹانگیں الا سٹینڈ ۔سرائیں۔ فلمیں الیاں جاہیں منڈوئے پورے لوکیں دا رش صرف ہنائیں جاہیں تیں ھوندا ھا ساڈے سانگے وڈیاں تفریح دیاں جاہیں ساڈیاں ایہے ھوندیاں ھن اے جلسے دا پروگرام تیں سالانہ دیرے شہر اچ تھیندا ھا ہنیں دے علاوہ لوکیں دی مکمل جڑت انہیں ڈو تنظیمیں نال کھڑی ھوندی ھئی پہلے ڈسیم جو لوک تیں اصلو ازاد ھوندے ھن او جیرھے ھوں ویلھے اپ کوں مصنوئی معزز اکھویندے ھن باقی سارے لوک جزباتی طور تیں بزم اے سائل تیں بزم اے اشرف نال تعلق رکھدن ھن بلکہ فخر محسو س کریندے ھن اے جیرھی بزم اے سائل ھئی ایندا سربراہ ہک بہوں وڈا مہان سرائیکی زبان دا شاعر نور محمد سائل صاحب ھوندا ھا اپڑیں پچھو ہک بہوں ناں الے سرائیکی شاگرد شاعریں دا ہک انبوہ رکھدا ھا بزم اے سائل دا دفتر ٹکانڑاں دیرے شھر اچ ھوندا ھا نورمحمد سائل ایں وقت دے سرائیکی دے مہان کوہ قامت شاعر سئیں ساڈے مٹھے محبوب جیوے عزیز شاھد دا بابا سئیں ھا ڈوجھی طرفوں بزم اے اشرف ھوندی ھئی جیندا میکوں زیادہ پتہ تیں کئینی ھوں ویلھے ڈسیندے ھن ایں بزم اے اشرف دی سرپرستی جانباز جتوئی صاحب کریندے چونکہ ھوں ویلھے اساں ای ھیندے پچھو زیادہ درک بھج ایں گالھوں گھتی ودے رہندے ھاسے ساڈے نال دے علاقے دا جگ مشہور شاعر سرور کربلائی ھوندا ھا ول ھوں ویلھے بزم اے اشرف دا سالانہ وڈا مشاعرہ وی مانہ احمدانی اچ تھیندا ھا جیندا متولی مولانا مانہ دا بہوں پڑھیالکھیا شاعر فدا لااھمدانی جیں ہنڑ ہیں وقت قران پاک دا ترجمعہ سرائیکی زبان اچ کیتے مانہ احمدانی اچ موجود ان ساڈے سرائیکی رہنما صغیر احمدانی دے بزرگ اور میں اکبر ملکانڑیں دے قریبی رشتے دار وی ھن او اتھاں مانہ احمدانی اچ بزم اے اشرف دے سب کجھ روح رواں ھن مانہ احمدانی اچ بزم اشرف دے مشاعریں دے میزبان وی ھوندے ھن میں وی پہلا مشاعرہ مانہ احمدانی اچ سنڑیا ہیں کنیں پہلے سرور کربلائی دا ویسے ای پہلا مشاعرہ اپڑیں علاقے جھوک اترا دے نال ہک میرانیں دی وستی روپے الے تیں سنڑیا جتھاں ہنڑ میڈے سنگتیں عابد خاں میرانی تیں مصطفے خاں میرانی دا گھر اے کوئی پتہ نئیں شادی دامشاعرہ ھا جتھاں میں کربلائی صاحب دا سونہاں وی بنڑیا ہم تیں قریب وی تھیا ہم ڈوجھا مشاعرہ میں کربلائی صاحب دا مانہ احمدانی اچ سنڑیا جڈاں سرور کربلائی صاحب کوں سٹیج تیں سڈویونیں اللہ گواہ اے او منظر اج وی میڈے اکھیں دے سامھڑیں جیلھے اندے ہک کوہ ہمالیہ جیڈا سرور خاں میڈے سامھڑیں کھڑا ھوندے تیں اہدا کھڑا ھوندے ۔میڈا مال سرور یا دیوان سرور میکوں یاد کئینی تساں سارا چاو۔۔ میڈی قوم بکھی اے روٹی کھواو انتہائی معزرت نال لوظ اگو پچھو یا شعر غلط بس ہنڑ ای ہنڑ لکھدیں یاد ائے جیویں لکھ ڈتم سرور سرور ھا اوں ڈیہنہ دے بعد ول پوری زندگی کربلائی دے نانویں لا چھوڑی اے سائل صاحب دا وی کوئی انت کئینی رات دے ترائے وج گئین دل ڈاڈھا پیا اہدے بزم اے سائل تیں بزم اے اشرف کافی اگوں تیں چل سگدی اے دماغ وی حاظر اے لکھنڑالی انگل وی ساتھ نئیں چھوڑیا اکھیں وی معزرت کئینی کیتی لیکن اے بیٹری پرائے وس دی گال اے تسسلل تڑوا ڈیندی اے اوتری بے محاب شئے ھ رشتیں دا احترام کئینس ہمیشہ کجھ لوکیں تیں ذکر تیں قلم انگل اکھیں وجود تھکنڑ دا ناں ای نئیں گھندا اج دا ذکر ای خیر صلاح نال ایویں چل پئے چلو جتنا چل سگیئے لکھ اے کوشش رہ ویندی اے کجھ امانتاں ان میڈے کولھو جتنا ممکن تھیندا پئے واپس کرنڑدی کوشش کریندا پیاں سرخرو تھیونڑ دی دعا کریسوتوھاڈا اپڑاں۔۔۔۔۔۔۔اکبر خاں ذات ملکانڑیں قوم سرائیکی سرائیکستان ھاوس رشید اباد کالونی حمید اصغر شاہین روڈ خدابخش چوک پل ڈاٹ دے نال پوادھو. (اکبر ملکاݨی)