ڈیانا بیگ

ڈیانا بیگ (پیدائش: 15 اکتوبر 1995ء، گلگت بلتستان) ڈیانا بیگ ہک پاکستانی زنانی کرکٹر تے فٹ بالر ہِن۔ بیگ کوں 2013 ویمن کرکٹ ورلڈ کپ تے 2016 آئی سی سی ویمن ورلڈ ٹی ٹوئنٹی وچ پاکستان ٹیم وچ شامل کِیتا ڳیا ہئی ۔ اوہ باسکٹ بال، فٹ بال تے والی بال وی کھیݙدی ہِن ۔

ابتدائی حیاتی

ڈیانا بیگ ہنزہ وچ پیدا تھئیں۔ اوہ اسماعیلی مذہب دے اعتدال پسند فرقے نال تعلق رکھدی ہِن۔ انّھاں دی کھیلاں وچ دلچسپی اسٹریٹ کرکٹ تے فٹ بال توں شروع تھئی ۔ اوہ لاہور یونیورسٹی برائے زنانیاں وچ تعلیم حاصل کریندی پئی ہِن۔

کَم کار آلی حیاتی

بیگ نے اپݨے کیریئر دا آغاز 2010 وچ کِیتا، جِہڑیلے انّھاں نے گلگت بلتستان ویمن کرکٹ ٹیم دی قیادت کیتی۔ انّھاں کوں 2012 وچ پاکستان دی اے ٹیم تے 2013 وچ مکمل قومی ٹیم دے اسکواڈ کِیتے منتخب کِیتا ڳیا ہئی۔

انّھاں نے 2015 وچ بنگلہ دیش دے خلاف بین الاقوامی کرکٹ وچ قدم رکھا۔

ڈیانا دا آغاز اتفاق نال فٹ بال وچ تھیا۔ جِہڑیلے ٹیم وچ کھلاڑیاں دی کمی ہئی تاں اوہ پاکستان فٹ بال ٹیم کِیتے منتخب تھی ڳئیں۔

زنانیاں دے کرکٹ ورلڈ کپ وچ بھارت دے خلاف ون ڈے وچ انّھاں دی بولنگ تے فیلڈنگ دی کارکردگی متاثر کن رہی تے مبصرین وچوں ہک ایان بشپ نے انّھاں دی تعریف کیتی۔ اوہ کائنات امتیاز دی جگہ ٹیم وچ آئیاں تے انّھاں نے فوری طور تے انموینسر دے نال ہک اہم وکٹ سمریتی ماندھنا کوں آؤٹ کر کے ہک اثر مرتب کِیتا۔

اکتوبر 2018 وچ انّھاں کوں ویسٹ انڈیز وچ 2018 آئی سی سی ویمن ورلڈ ٹی ٹوئنٹی ٹورنامنٹ کِیتے پاکستان دی ٹیم وچ شامل کِیتا ڳیا ہئی ۔ جنوری 2020 وچ، انّھاں کوں آسٹریلیا وچ تھیوݨ والے 2020 آئی سی سی ویمن ٹی 20 ورلڈ کپ کِیتے پاکستان دی ٹیم وچ شامل کِیتا ڳیا ہئی۔