ڈھولا۔ ڈھول
ڈھولا پورے پنجاب دی ہک مقبول لوک صنف ہے ۔ کجھ لوکاں دا خیال ہے کہ مارو ڈھولے دے عشق سببوں اے صنف جمی ۔ حضرت خواجہ فرید ؒ سئیں وی ہک جا تے ہِیں قسم دے خیالات دااظہار کیتے ۔ اے تھی سڳدے ڈھول (محبوب) دی وجہ توں ایندا ا ٓغاز تھیاہووے یا گل وچ پاون والے ڈھولݨے دی نسبت نال محبوب کوں وی ڈھولݨ یا ڳل دا ہار آکھ تے ایں صنف دا منڈھ ٻدھا ڳیا ہووے۔ ڈھولے دی صنف وچ ٻہوں وسعت ہے۔ سرائیکی زبان وچ محبوب دی یاد ‘ اوندی بے وفائی دے وپرے ‘ فراق دے سول ‘ محبوب دیاں تعریفاں بارے زیادہ تر ڈھولے ملدن۔ چولستانی ڈھولے دے کجھ ٻول ۔ اے ڈھولا عام ڈھولیاں توں انج ہے۔
وا جھلارا بوچھݨ دا وے ڈھولا
لا کے حسن جوانی دا ٹُر ڳیا تے ول نی آیا
وے ڈھولا
ڈھولا میݙا رات نی راہندا
منتاں نال رہایا تے ول نوی آیا وے ڈھولا
ڈھولا میݙا پُھلیں دا شوقیں
ویڑھے میں باغ لوایا
تے ول نوی آیا وے ڈھولا
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان