ڈُھلک ڈُھلک ویہڑے
سہرا
ڈُھلک ڈُھلک ویہڑے آویں میݙا یار آ
سہریاں والا جیویں میݙا نوشہ بنرا
سہرے دیاں لڑیاں جھم جھم لائی
خوش پئے تھیون بھیݨ تے بھائی
رَج رَج سیج سُہاویں میݙا یار آ
سہریاں والا جیویں میݙا نوشہ بنرا
اَمڑی تے بابُل حق ہمسائے
سب رل مل تے کرن دُعائے
سہرے سُہاڳ چھکاویں میݙا یارا
سہریاں والا جیویں میݙا نوشہ بنرا
میندی رنگ رنگیلی چھکدی
سہرے ڳاندیں دلڑی نہ تھکدی
سیج تے قدم ٹِکاویں میݙا یارا
سہریاں والا جیویں میݙا نوشہ بنرا
حوالہ
[لکھو | ماخذ وچ تبدیلی کرو]سرائیکی سہرے ، مرتب: شائستہ ظہور ، چھاپہ خانہ : جھوک پرنٹرز، ملتان