ڈوارف مرحلہ
وقت دے گزرݨ نال سجھ جیڑھا کہ ہک وݙے رَتے دِہ دی شکل اچ ہوسی، ٹھڈا تھیوݨ لڳ ویسی۔ ایں مرحلے کوں ڈوارف مرحلہ (DWARF STAGE) آہدن۔ آخر اچ سجھ ہک سڑئیے ہوئے تے ٻہوں کٹھی تھئی ہوئی شکل دے ٻجَھئیے ہوئے وجود اچ بدل ویسی۔ ایں مرحلے اچ سجھ روشنی چھوڑݨ بند کرݙیسی۔ سجھ یا سجھ جیݙے تارئیں دی زندگی دا اے چھیکڑی مرحلہ ہوندے۔
سجھ کنوں وݙے تے باری تارئیں دی حیاتی دے مرحلے
او تارے جیڑھے ساݙے سجھ کنوں 6 گنا باری ہوون، اْنہیں دی حیاتی چھوٹے تارئیں کنوں تھوڑی ہوندی اے۔ او اپݨی ہائڈروجن گیس جلدی کھا ویندن تے 5 کروڑ کنوں 10 کروڑ سالیں اچ اپݨی یکی گیس مکا ویندن۔
سُپر جائنٹ مرحلہ[SUPER GIANT STAGE]
[لکھو | ماخذ وچ تبدیلی کرو]ایں مرحلے تے تارے دا جسم وݙا تھی ویندے تے ایندا وجود ہزار گنا ودھ ویندے۔
سُپر نووا مرحلہ[SUPERNOVA STAGE]
[لکھو | ماخذ وچ تبدیلی کرو]ایں مرحلے تے تارے دی ٻاہرلی سطح دھماکے نال پَھٹ ویندی اے تے اندرݙو کٹھی تھی ویندی اے۔ تاراٻہوں زیادہ روشن تھی ویندے۔ تارے اچ موجود گیسیں دے بادل تارے کوں چھوڑ تے خلا اچ کِھنڈ ویندن۔ صرف تارے دا مرکز بچ ویندے۔
نیوٹران تارے دا مرحلہ[NEUTRON STAR STAGE]
[لکھو | ماخذ وچ تبدیلی کرو]جیڑھے ویلھے صرف تارے دا مرکز بچ ویندے تاں مرکز اچ صرف نیوٹران باقی ول بچدن۔ اینکوں اساں نیوٹران تارا آہدوں۔ اے ٻہوں کٹھا تھیا ہویا تے ٻجھیا ہویا تارا ہوندے۔
حوالہ
[لکھو | ماخذ وچ تبدیلی کرو]کتاب: کائنات دا سفر ، مصنف : جعفر عباس بزدار ، ناشر: جھوک پبلشرز ملتان