ڈنتھ ویلا لاگے

ڈنتھ نیتمیکا ویلا لاگے (ڄمݨ دی تاریخ: 9 جنوری 2003ء) ہک سری لنکن کرکٹ کھلاڑی ہے۔ اوں نے جون 2022ء وچ سری لنکا کرکٹ ٹیم کیتے بین الاقوامی کرکٹ وچ ڈیبیو کیتا۔ اوں نے 14 دسمبر 2019ء کوں اپݨا لسٹ اے ڈیبیو کیتا، لنکن کرکٹ کلب کیتے 2019-20ء انویٹیشن لمیٹڈ اوور ٹورنامنٹ وچ۔ جنوری 2022ء وچ اینکوں ویسٹ انڈیز وچ 2022ء دے آئی سی سی انڈر 19 کرکٹ ورلڈ کپ کیتے سری لنکا دی ٹیم دا کپتان نامزد کیتا ڳیا۔ سری لنکا دے ٹورنامنٹ دے افتتاحی میچ وچ اوں نے پنج وکٹاں حاصل کیتیاں اتے اینکوں میچ دا بہترین کھݙاڑی قرار ݙتا ڳیا۔ ٹورنامنٹ دے سری لنکا دے اگلے میچ وچ اوں نے مزید 5 وکٹاں حاصل کیتیاں اتے اینکوں ولامیچ دا بہترین کھلاڑی قرار ݙتا ڳیا۔ سری لنکا دے سپر لیگ پلے آف سیمی فائنل وچ جنوبی افریقہ دے خلاف ویلالج نے 113 رنز بݨائے جیندے نال ہی سری لنکا نے اے میچ 65 رنز توں جیت ڳیا۔ او انڈر 19 کرکٹ عالمی کپ وچ سنچری بݨاوݨ آلا سری لنکن ٹیم دا پہلا کپتان بݨ ڳیا۔ اوں نے انڈر 19 ورلڈ کپ وچ سب توں زیادہ وکٹ ڳھنݨ آلے کھݙاڑی دے طور تے سترہ آؤٹ کیتے۔ اپریل 2022ء وچ سری لنکا کرکٹ نے اینکوں انگلینڈ دے دورے کیتے سری لنکا ایمرجنگ ٹیم دے دستے وچ شامل کیتا۔ 25 مئی 2022ء کوں انگلینڈ دے دورے دے دوران اوں نے سرے دے خلاف، اپݨا ٹوئنٹی 20 ڈیبیو کیتا۔ اگلے مہینے آسٹریلیا دے دورہ سری لنکا دے دوران آسٹریلیا اے دے خلاف ایں دے میچاں کیتے ایننکوں سری لنکا اے دے سکواڈ وچ شامل کیتا ڳیا۔ اوں مہینے دے آخر وچ اونکوں آسٹریلیا دے خلاف سیریز کیتے وی سری لنکا دے ون ڈے انٹرنیشنل سکواڈ وچ شامل کیتا ڳیا۔ اوں نے اپݨا ہک روزہ ڈیبیو 14 جون 2022ء کوں سری لنکا کیتے آسٹریلیا دے خلاف کیتا۔ اگلے مہینے اینکوں آسٹریلیا دے خلاف ݙوجھے میچ کیتے سری لنکا دے ٹیسٹ سکواڈ وچ شامل کیتا ڳیا۔ جولائی 2022ء وچ اونکوں جافنا کنگز نے لنکا پریمیئر لیگ دے تریجھے ایڈیشن کیتے سائن کیتا ڳیا ہئی۔ جولائی وچ وی اینکوں ولا سری لنکا دے ٹیسٹ دستے وچ شامل کیتا ڳیا، ایں واری پاکستان دے خلاف ایں دی ہوم سیریز کیتے۔ اوں نے اپݨا ٹیسٹ ڈیبیو 24 جولائی 2022ء کوں سری لنکا کیتے پاکستان دے خلاف کیتا۔

ٻیا ݙیکھو

• کرکٹ
• ٹیسٹ کرکٹ
• سری لنکا قومی کرکٹ ٹیم
• سری لنکا کے ٹیسٹ کرکٹ کھلاڑیوں کی فہرست
• سری لنکا کے ایک روزہ بین الاقوامی کرکٹ کھلاڑیوں کی فہرست