ڈاکٹر گُل عباسؔ اعوان

لیہ دھرتی دے ڈاکٹر گل عباس اعوان دا ناں سرائیکی ادب اچ کہیں تعارف دا متھاج کائنی۔ آپ 1964ء اچ پیدا تھئے۔ ایم اے پی ایچ ڈی کرݨ دے بعد لیہ اچ گورنمنٹ کالج آف کامرس کوٹ سلطان دے پرنسپل دی حیثیت نال اپݨے فرائض با خوبی انجام ݙیندے پن۔لیہ شہر اچ رہائش پذیر ہن۔ سرائیکی شاعری وی ݙاڈھی سوہݨی کریندن۔ سرائیکی لکھاریاں اچ آپ نمایاں مقام رکھدن۔ٻہوں چنڳے انسان ہن۔سہ ماہی رسالہ ’’سوجھل سویل‘‘ دے مدیرِ اعلیٰ تے ’’سوجھل خواب‘‘ جھئیں شعری مجموعہ دے خالق ڈاکٹر گُل عباس اعوان شاعری دی ہر صنفِ سخن تے طبع آزمائی کریندے پئین ۔مثلاََ غزل ،نظم ، ڈوہڑہ تے سرائیکووغیرہ لیکن نثری ادب اچ انہاں دا کم بہوں زیادہ تے پختہ ہے۔جدید سرائیکی شاعری، اردو شاعری میں انسان دوستی، تے سرائیکی ثقافت دے رنگ جھیاں انہاندیاں کئی کتاباں منظرِ عام تے آ چُکیاں ہن۔ڈاکٹر گُل عباس اعوان بہوں تیز رفتار لکھاری ہن، انہاندے آرٹیکلز وی اخبارات اچ اکثر شائع تھیندے رہ ویندے ہن۔سرائیکی واسطے آپ دیاں ٻہوں خدمات ہن۔

اصل ناں      محمد گُل عباس

قلمی ناں      ڈاکٹر گُل عباس اعوان 

جمن         1964ء    

تعلیم         ایم اے پی ایچ ڈی

پیشہ          پرنسپل گورنمنٹ کالج آف کامرس کوٹ سلطان، لیہ  

فون نمبر       03336201790

جاہ پتہ        لیّہ شہر

سہ ماہی رسالہ ’’سوجھل سویل‘‘ دے مدیرِ اعلیٰ تے ’’سوجھل خواب‘‘ جھئیں شعری مجموعہ دے خالق ڈاکٹر گُل عباس اعوان شاعری دی ہر صنفِ سخن تے طبع آزمائی کریندے پئین ۔مثلاََ غزل ،نظم ، ڈوہڑہ تے سرائیکووغیرہ لیکن نثری ادب اچ انہاں دا کم بہوں زیادہ تے پختہ ہے۔جدید سرائیکی شاعری، اردو شاعری میں انسان دوستی، تے سرائیکی ثقافت دے رنگ جھیاں انہاندیاں کئی کتاباں منظرِ عام تے آ چُکیاں ہن۔ڈاکٹر گُل عباس اعوان بہوں تیز رفتار لکھاری ہن، انہاندے آرٹیکلز وی اخبارات اچ اکثر شائع تھیندے رہ ویندے ہن۔

انہاں دی سب توں وڈی خوبی ایہ ہے جو اوہ یاراں دے یار بیلی ،خوش اخلاق ، ملنسار تے ہر دلعزیز شخصیت دے مالک ہن۔جتھوں تک انہاں دی غزل دا تعلق ہے تاں فی الحال انہاں دی غزل روایتی رنگ اچ رنگی ہوئی نظر آندی ہے لیکن آئندہ انہاں دی غزل اچ ارتقائی منزل دو ٹرن دے اشارے ملدن ۔آپ دی غزل دے نمونے پیشِ خدمت ہن۔

(1)غزل

ساڈے ساہواں دے نال ساہ ہن پئے

ساڈے رستے کڈاںجدا ہن پئے

اساں داروں دوانہ پیتے ہن

اوندے لہجے سروں شفاء ہن پئے

بندہ بندے دے ڈکھ ونڈیندا ہا 

بندے ایڈے کڈاں خدا ہن پئے

جیڑھے بھگوان بن تے بیٹھن تھئے

سب خبر ہے جو کل اے کیا ہن پئے

کیڈا سوہناں او وقت ہا عباسؔ

میڈے مونڈھے میڈے بھراء ہن پئے

_______________________

کئی میکوں نت آن جگاوے پچھلی راتیں

رج رج میڈے نال الاوے پچھلی راتیں

جیڑھے ناں کوں دل اچ سانبھ کے سم ویندا ہاں

لوں لوں دیوچ مُشک مچاوے پچھلی راتیں

اوکوں رو رو گزری آپ سناواں ہا

کہیں ویلے تاں رلے باہوے پچھلی راتیں

__________________________

ہک اشارے دی دیر ہے عباسؔ

ڈیکھ اصلوں تیار بیٹھاں میں

٭٭٭