ڈاکٹر مقبول حسن گیلانی
پروفیسر ڈاکٹر مقبول حسن گیلانی سید عبدالقادر شاہ گیلانی دے گھر شیخ پور شجرا شجاع آباد اچ 10 اپریل 1962 ء کوں پیدا تھئے ۔ سرائیکی ، اسلامیات ، فارسی ، پنجابی اچ ایم اے کیتا تے درس و تدریس دے شعبے نال منسلک تھی ڳئے ۔ بعد اچ پی ایچ ڈی وی مکمل کیتی ۔ 1980 ء توں سرائیکی زبان و ادب دی خدمت کریندے پن، انہاندے مقالے کوں سرائیکی وچ ٻہوں وݙی اہمیت حاصل ہے ۔انہاندیاں کتاباں اچ قرآن مجید کے سرائیکی تراجم ، سرائیکی زبان و ادب ایک تاریخ ، ایک جائزہ شامل ہِن ۔
مقدمات مرتبہ کتاب جیندے وچ پروفیسر شوکت مغل دیاں کتاباں دے دیباچے ہن۔ ’’نروار‘‘ تنقیدی مضامین، ’’سرائیکی زبان و ادب کی تاریخ‘‘، ’’سوکھے پندھ‘‘،’’ٹھڈیاں ہیلاں‘‘(نصابی کتب) شائع تھی چُکئین۔ بطور نقاد، محقق ، شاعر، اُنہاں سرائیکی ادب دے ودھارے سانگے ٻہوں کم کیتے۔ اُنہاں دی شاعری دی خصوصیت مزاح دا رنگ ہے ۔ ڈاکٹر مقبول گیلانی، ریڈیو، ٹیلی وژن توں بحیثیت کمپیئر، مدیر ادبی پروگرام ، سال ہا سال توں کریندے پئین۔ محکمہ تعلیم نال وابستہ رہ ڳئین۔ ایس ای کالج بہاولپور توں بطور پرنسپل ریٹائرڈ تھئے ہن۔ ڈاکٹر مقبول گیلانی خوش اخلاق، ہر دل عزیز شخصیت دے مالک ہن۔ سرائیکی ادب، ثقافت، سیاست، وسیب نال محبت اُنہاں دی اُتم سُنڄاݨ ہے۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء