ڈاکٹر طلعت محمود
اصل ناں طلعت محمود
تخلص طلعتؔ
ڄمݨ 1962ء
تعلیم گریجویشن
پیشہ معالج
فون نمبر 0345 7317635
جاہ پتہ 358|WBدنیا پور ضلع لودھراں
ڈاکٹر طلعت محمود بنیادی طور تے اردو دے شاعر ہن لیکن سرائیکی ماحول تے سرائیکی زبان و ادب توں متاثر تھی کے سرائیکی وچ وی شاعری کریندن۔ڈاکٹر صاحب ادب دے فروغ واسطے دنیاپور وچ کئی دفعہ کل پاکستان مشاعرے کروائے۔شعراء کوں ایوارڈز تے اسناد ݙتیاں۔ تے مشاعریاں دے ذریعے کئی نو آموز شعراء کوں متعارف کروایا۔ جتھوں تک ڈاکٹر صاحب دی شخصیت دا تعلق ہے تاں آپ انتہائی خوش اخلاق ، ملݨسار ، فراغ دل انسان ہن۔نمونہ کلام۔
(1)غزل
[لکھو | ماخذ وچ تبدیلی کرو]مکھ تیݙا پُر نور وے ماہی
توں جنّت دی حور وے ماہی
اِنڄ نہ تھک کے ٻہہ توں سوہݨاں
منزل ہئی ٻہوں دور وے ماہی
جد وی تیݙی یاد ہے آندی
ملدا ڈھیر سرور وے ماہی
تیݙی نفرت میݙے دل دا
بݨ ڳیا ہے ناسور وے ماہی
اوکھا وقت سدا نہ رہسی
نہ تھی انڄ رنجور وے ماہی
نا اُمید نہ ہوویں طلعتؔ
ہو جاسن ݙکھ دور وے ماہی