ڈاکٹر رانا پرت سنگھ گنّوری

آپ‘3؍جون1938ء کوں پاکستان دے ضلع مظفرگڑھ دی تحصیل علی پور دے قصبے جہان پور اِچ ڄمّے۔1947ء اِچ ہندوستان چلے ڳئے ۔ جتھّاں اُنہاں ترے زباناں وچ ایم اے کیتا ۔ (اُردو ‘ ہندی ‘ سنسکرت) آپ نے ڈاکٹریٹ ہندی وچ کیتی۔ساری حیاتی درس و تدریس وچ ریہ ڳئین ۔ کیتھل دے آر ۔ کے ۔ایس ۔ ڈی کالج وچ پڑھیندے ریہ ڳن ۔ اَڄ کل ریٹائرڈ زندگی گزریندے پئین ۔ اُنہاں شاعری دا مُنڈھ 1956ء اِچ ٻدّھا ۔ باقاعدہ اُستاد کیتا تے شاعری کریندے ریہے ۔ اَٹھ ݙہ کتاباں دے مصنف تے مترجّم ہِن۔ جنہاں وچوں ݙو ہندی وچ تے باقی اُردو وچ ہِن۔ اُنہاں ہندی وچ اپݨی منظوم سوانح حیات وی لکھّی ہے ۔ اُنہاں کوں چار کتاباں اُتّے ایوارڈ وی مل چُکن ۔ اُنہاں اپݨی اُردو کتاب ’’سُناٹے کی آواز‘‘ سب کوں دان کیتی۔

بھون دے اجلاس وچ پروفیسر گنوری اپݨاں اُردو تے سرائیکی کلام سُݨایا۔

اُردو کلام:

اس پر بھی کبھی آپ نے کچھ غور کیا کیا

شہرت تو ملی آپ کو شہرت سے جلا کیا

ہم کو انگریزیت تو پیاری ہے

کیا ہوا گر چلا گیا انگریز

مسئلے تقدیر کے ہاتھوں نے اُلجھائے ہیں جو

اہلِ تدبیر و عمل! کجھ ان کی تدبیریں بھی ہیں

جس علاقے سے میں ہوں اے راناؔ

وہ علاقہ رہا ہے شاعر خیز؎1

(تحصیل علی پور مراد ہے)

رانا گنوری شاعری وچ غزل تے نظم ݙونہیں لکھدن: نثر وی لکھدن۔ اُنہاں دا ناں علمی دنیا وچ ٻہوں اُچّا ہے۔

حوالہ

کتاب: دِلّی ڈھائی کوہ۔ مصنف شوکت مغل، چھپیندڑ: جھوک پبلشرز ‘ ملتان