ڈاکٹر خالد پرویز

تحصیل کوٹ ادو دا وسدا فقیر جتوئی جہیں محبتیں والے شہر وچ پیر پاتا تاں جتوئی دا ہی تھی رہ ڳیا.... اللہ ڄاݨے جتوئی دے وَسدے لوکیں کول کیجھا منتر ھے یا شاید ایں بھاڳیں بھری مِٹی کوں سوبھ حاصل ھے جو کہیں محبتیں والے انسان ہکواری ایں بھوئیں تے پیر پاتے تاں ول او ایں مِٹی دی خوشبو وچ رچدا تے وَسدا ڳئے..... ڈاکٹر خالد پرویز سیئں سرائیکی ادبی اتے سماجی وسوں دا او جیندا جاڳدا کردار ھے جیرھا سکھڑیں خواب نی ݙہدا بلکہ خوابیں کوں تعبیر دا چولا پواوݨ سانگے اَہر وی کریندے.... تحصیل علی پور دی ادبی فِضا کوں زندہ رکھݨ وچ ایں فقیر دا بُنیادی کردار ھے.... سرائیکی وسوں دے ہر مُہاندرے نال ایں جوان دا ایں پیار ھے جو تقریباً ہر مہینے ݙوں مہینے بعد کہیں نہ کہیں کوں اپݨی ادبی وسوں دی رونق بݨائی پیا ہوندے..... اردو اتے سرائیکی شاعری وچ وی محبتیں والیاں مِٹھیاں مِٹھیاں چونڈھیاں پاتی رکھدے... ماء دھرتی دا عشق ایں جوان دے خمیر وچ شامل ھے.... کُجھ ݙینھ پہلے ڈاکٹر خالد پرویز سیئں اساݙے "سرائیکی ادبی فورم" وچ شامل تھی تے اساݙا ماݨ ودھائے..... شکریہ ڈاکٹر خالد پرویز سیئں...... گروپ وچ موجود سنگت کوں ارداس ھے جو تُساں ڈاکٹر صاحب دی شاعری پڑھی ھے تاں او کمنٹس اچ سانجھی کرو.... یا جتنا ڈاکٹر صاحب کوں ڄاݨدو اُتنا انھاں بارے کُجھ لکھو. (غیور بخاری)