ڈاکٹرنوازشہانوی
اصل ناں اللہ نواز
قلمی ناں نوازشہانوی
جمن 1954ء
تعلیم بی۔اے فارمیسی،ہومیو پیتھک ڈاکٹر
پیشہ معالج،میڈیکل سٹور
فون نمبر 0347 5504582
جاہ پتہ قصبہ شہانی،تحصیل و ضلع بھکر
ڈاکٹر نواز شہانوی ہک پڑھیا لکھیا ، سطحی سوچ رکھن آلا شاعر و ادیب ہے ،جیندی کتاب ’’ شاعری دے گُر‘‘ انہاندی علمی ادبی بصیرت تے مقام دا تعین کریندی ہے۔432صفحیاں تے مشتمل ایہ کتاب پورے سرائیکی وسیب اچ نواز شہانوی دی پہچان بن چکی ہے۔جیندے وچ علم عروض دے تمام قواعدو ضوابط تفصیل نال پیش کیتے گئین ،ایہ کتاب عروض نال دلچسپی رکھن آلے خصوصاََ نو آموز شعراء واسطے سنگِ میل دی حیثیت رکھدی ہے ۔
علاوہ ازیں نواز شہانوی دا ناں کالم نگار دے حوالے نال وی ہک معروف ناں ہے۔ جنہاں دے اردو ،سرائیکی کالم اخبارات تے رسائل وچ اکثر چھپدے رہ ویندن۔شخصیت دے حوالے نال وی ڈاکٹر نواز شہانوی ہک خوش اخلاق ، ملنسار تے ہر دلعزیز شخصیت دے مالک ہن۔آپ دی ہک غزل دا نمونہ پیش ِ خدمت ہے۔
(1)غزل
[لکھو | ماخذ وچ تبدیلی کرو]کیویں آکھاں بے وفاہے زندگی
زندگی دا آسرا ہے زندگی
خلقِ آدم کائنات و لا مکاں
عاشقی دی ابتدا ہے زندگی
اپنے تن تے آدمی مختار نئیں
بے وسی دی انتہاہے زندگی
میڈی کیا اوقات ہے مٹی دا بُک
ایویں سکھنی ہو ہو ا ہے زندگی
زندگی جانے خدا جانے نوازؔ
تیڈی سُدھ توں ماورا ہے زندگی
___________________
اندازِ گفتگو وچ جیندے غرور آگئے
سمجھو کہ اوندے اندر فتنہ فتور آگئے