ڈارک میٹر

ڈارک میٹر DARK MATTER مادے دی او قسم اے جیندا براہ راست مشاہدہ ہݨ تک نئی تھی سڳیا۔ اے ساݙی پوری کائنات اچ ٻہوں زیادہ پھیلیا پے تے تقریباً ہر جاہ تے موجود ہے۔ ساݙی کائنات دی موجودہ شکل ڈارک میٹر دی وجہ کنوں ہے۔ اے یقین کیتا ویندے جو کائنات دے سمجھݨ اچ ایندا  ٻہوں وݙا کردار اے۔ ڈارک میٹر کوں اساںݙیکھ نِسے سڳدے کیوں کہ اے کہیں وی شئے نال ایں طرح دا واسطہ یا تعلق نئی رکھیندا جو اساں ایندی پہچان کر سڳوں۔ اے یقین کیتا ویندے جو شاید اے کوئی نویں قسم دے ذرات نال مل تے بنڑیا ہویا اے جیڑھے حالی تک دریافت نئی تھئے تے اے ذرات مادے دے ذرات کنوںٻہوں مختلف ہن۔

اے مادہ نہ روشنی جذب کریندے نہ خارج کریندے لیکن ایندی کشش دا اثر عام مادے تے پوندے۔ اگر ساݙی کائنات اچ اے مادہ نہ ہووے ہا تاں اے کائنات گھمدئیں گھمدئیں انجھو انجھ تھی ونڄے ہا۔ ساݙی کائنات دا ہیں شکل اچ قائم رہ ونڄݨ تاریک مادے دی موجودگی دی بنیادی گواہی ہے۔  سرن لیب [CERN LAB]دے مطابق ڈارک میٹر پوری کائنات دے وجود دا  27 فیصد حصہ ہے۔

حوالہ

کتاب: کائنات دا سفر ، مصنف : جعفر عباس بزدار ، ناشر: جھوک پبلشرز ملتان