ڈائری 5

ڈائری : 5

دنیا نال میڈی سانجھ شاعری وچوں ہے ' ایہا تاکڑی ہے جیں وچوں میں جگ جہان کوں ڈِٹھے ' پیو مویا تاں میں اونکوں اپنڑی شاعری وچ زندہ کیتا تے اوندے نال ریہا ' ما موئی تاں حکایت وچ اوندی سنبھال کیتی ' میڈے کول حیاتی دی چھڑی ایہا منطق ہے ' سماج, سیاست مذہب میکوں کجھ وی شاعری باجھوں سمجھ نی آندا, ریاست دا دروہ ہووے, استعماریت دیاں نت وٹیندیاں شکلاں , ملاں قاضی حاکم دا ڈڈھپ ہووے یا جنگ دا جھاکا میں بیت بنڑینداں ' میں حیاتی وچ کہیں کوں کلہا نی کریندا, لوکیں دے نال نال پکھی پہارو جنگل پہاڑ پانڑیاں کٹھے رہنداں ' کوئی میکوں کلہا کرنڑ دی کوشش کرے تاں بیت بنڑینداں ' کوئی محبت ڈیوے یا توہین کرے شعر لکھداں ' شاعری کوں ہمیش سانجھا کرینداں جو ایہا جگ جہان نال میڈی سانجھ اے

رفعت عباس ملتان