ڈائری دا ہک پنا : 6

نندر ہمیشہ میڈی مددگار رہی ہے ' جیویں ہک وڈی تُرپائی تھی ونجے ' جینویں سر وچوں کہیں سوئیاں کڈھ گھدیاں ہوون ' جینویں نویں ہک ڈھارس مِل ونجے ' اج وی اینویں تھئے ' نندر میکوں نواں نرویا کیتے ' میکوں سمنڑ کیتے کڈاہیں کوئ دوا نی کھاونڑی پئی ' میکوں ہر جاہ نندر آ سگدی ہے جینویں ہک پھیریں مہرے والا میلے دے اسٹیج تے میں ترے گھنٹے ستا ریہا اکھ کھلی تاں میکوں ہر شے سمجھ آونڑ لگ پئی جو اساں اِتھاں کیوں کٹھے تھئے ہیں ' قلعہ ڈراور باہروں ہک رات بہوں وڈا ادبی ثقافتی میلہ ہا ' میں ہک ہائی ایس گاڈی وچ سُتا ریہا ' کہیں جگایا جو سٹیج تے میکوں سڈیا ویندا پئے ' اُتھاں باسط بھٹی میکوں سڈیندا پیا ہا پر میں ولدا سُم گیا ' میں دوستاں کوں ملنڑ کیتے بہوں درگھا پندھ کرینداں پر اتھاں ونج کے سُم وینداںRifat Abbas