ڈائری دا پنا : 20

ڈائری دا پنا : 20، डाली दा पन्ना २०

1859 وچ ملتان تے انگریزیں قبضہ کر گھدا ' مانچسٹر دیاں بنڑیاں توپاں ملتان دیاں کندھاں بوہے تروڑ ڈتے ' 26 ہزار گولہ ملتان تے وسیا ' ملتان وچ کہیں گھر دی چھت سلامت نہ رہی ' اناج گھر بھا پکڑ گیا ' انگریز فوج دے ملازم کپٹن ڈاکٹڑ ڈنلپ موجب ملتان تے دھوئیں دی چھتری ست ڈینہوار تنڑی رہی ' دھرتی جائیاں دے سر دا مُل لگیا ' ہک سر دا مُل ڈاہ توں ویہ روپے نقد ہک مربع زمین ' مغل تے سکھ ویلے بعد وڈے خانداناں دیاں ہک پھیریں وت لاٹریاں نکل آیاں ' اج اِنہاں خانداناں دیاں زمیناں تے باغیاں دے سراں دے مُل وچ برابر دا تول اے ' ملتان دے امباں دے باغ وچ ہزاراں محبتی پھاسی چڑھ گئے ' روپلو کوہلی کوں سلام.....خلیل کنبھار میڈوں ڈٹھا تے گاڈی سٹارٹ کیتی ' اساں کاسبو پئے ویندے ہاسے۔ Rifat Abbas, रिफ़ात अब्बास