ڈائری دا پنا 27

ڈائری دا پنا : 27

اوہ راما پیر ! میگھواڑیں دے دیوتا ' کچھ دے لُونڑے شیشے تے لُونڑی جھیل دے بھگوان ' نکے نکے کمیں کاریں وچ رُجھے ہوئے لوکیں دے اوتار !! اساں تیکوں ملنڑ کیتے آئے ہیں ' راما پیر اپنڑے مندر دیاں پوڑیاں وچ بیہ تھیا تے مسکیا تو ہکے ویلے ہزاراں اپنڑے مندراں وچ ہزاراں اپنڑے یاتریاں کوں ملدیں, اساں تیکوں تیڈے بالک ڈیو جی دے کٹھے کاسبو اج ملنڑ کیتے آئے ہیں " راما پیر بیا وی مسکیا " اساں وی تیکوں ایں ویلے ہر جاہ پے ملدے ہیں " اوندیاں اکھیں بیاں وی بکھیاں " اساں کَچھ دی لونڑی وستی دے مندر وچ, بھوج دے کنبھاٹ دے گجرات دے سارے تیڈے استھاناں تے نال تیڈے بیٹھے ہیں ' سندھ دے سارے تیڈے مندریں وچ کٹھے تیڈے تھی گئے ہیں ' اساں سارے ہکے ویلے تَیں ہک کوں پے ملدے ہیں ' اساں بالیں تے موریں دی حیاتی تریمتیں دے آدر تے بارش کیتے آئے ہیں ۔ رفعت عباس