چکوری (فلم)

چکوری 1967ء وچ ریلیز تھیوݨ آلی ہک پاکستانی فلم اے۔ اے فلم اداکار ندیم دی پہلی فلم ہئی۔ چکوری 22 مارچ، 1967ء کوں عید الاضحٰی دے موقع تے ڈھاکا وچ ریلیز تھئی۔ ایں فلم نے ریلیز تھیندے ہی دھوم مچا ݙتی۔ ایں فلم دے فلم ساز ایف دوسانی، ہدایت کار احتشام، کہانی کار عطاء الرحمان خان، موسیقار روبن گھوش اتے نغمہ نگار اختر حسین ہن۔ ایں فلم دا مرکزی کردار ندیم اتے شبانہ نے ادا کیتا۔ اے ندیم دے علاوہ شبانہ دی وی پہلی فلم ہئی۔

اداکار ندیم گلوکار بݨݨ کیتے فلمی صنعت وچ آئے ہن۔ انہاں نے 1965ء وچ فلم سہرا وچ گلوکارہ فردوسی بیگم دے نال ہک ݙوگانا وی ریکارڈ کروایا ہئی۔ ول اوہ فردوسی بیگم دی دعوت تے ڈھاکا چلے ڳئے جتھاں ہدایت کار احتشام نے انہاں کوں اپݨی فلم چکوری وچ بطور ولن کاسٹ کر ڳھدا۔ فلم دا مرکزی کردار دے عظیم کوں کاسٹ کیتا ڳیا ہئی لیکن ہدایت کار احتشام دے نال اختلافات دی وجہ توں عظیم نے فلم وچ کم کرݨ توں انکار کر ݙتا۔ ہدایت کار احتشام نے ندیم کوں چکوری وچ مرکزی کردار ادا کرݨ کوں آکھیا اتے ایں طرحاں پاکستان دی فلمی صنعت کوں ہک ٻہوں وݙا فنکار مل ڳیا۔

فلم چکوری زبردست کامیاب ثابت تھئی بلکہ ایں فلم نے کامیابی دے نویں ریکارڈ قائم کیتے۔