چِٹا چولا
سہرا
چِٹا چولا سی ݙے درزی
نہی ٻولیندا ڈھولے دی مرضی
چِٹا چولا لائی کناری
کچی نکلی ڈھولے دی یاری
چِٹا چولا سی ݙے درزی
نہی ٻولیندا ڈھولے دی مرضی
چِٹا چولا میں سانبھ رکھساں
کے تائیں ڈھولا میں تیݙی تانگھ رکھساں
چِٹا چولا سی ݙے درزی
نہی ٻولیندا ڈھولے دی مرضی
چِٹا چولا سوہݨاں ہار اے
کیں دی من کے رُسا ودا یار اے
چِٹا چولا سی ݙے درزی
نہی ٻولیندا ڈھولے دی مرضی
حوالہ
[لکھو | ماخذ وچ تبدیلی کرو]سرائیکی سہرے ، مرتب: شائستہ ظہور ، چھاپہ خانہ : جھوک پرنٹرز، ملتان