چوہڑ لعل مست

چوہڑ لعل مست جلال پور پیر والا دے ہندو پنڈت ہن۔ آپ حضرت حافظ محمد قادری تے ہمعصر ہن۔ تے ہر وقت انھاں دی صحبت وچ رہندے ہن۔ مست ہر وقت مستی وچ راہندے ہن۔ انھاں درویشی راہ اختیار کیتی ہوئی ہئی۔ آپ مسلمان صوفیاء کنوں ݙاڈھے متاثر ہن۔ آپ زیادہ تر بحر تے ݙوہڑے لکھدے ہن۔ اخیر وقت ویلے انھاں اے ݙوہڑہ پڑھیا۔

ݙوہڑہ

پلنگ مشیر امیر ہاسے تھی مفت ظہیر ڳیوسے… مست تھیوسے

لذت عشق حقیقت والی پکی آن گھدوسے …مست تھیوسے

بݨ موالی سفراں دے ہُݨ ڳل دیوان پتوسے…مست تھیوسے

چھوڑ نمونہ جنت دا ونڄ نرگ آباد کتوسے…مست تھیوسے

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان