چوہدری محمد علی

چوہدری محمد علی سیاست دان ہا تے 1955 کنوں 1956 تئیں پاکستان دا وزیر اعظم ریہا۔ چوہدری محمد علی 15 جولائی 1905 کوں جالن٘دھر وچ آرائیں خاندان وچ پیدا تھیا۔ من٘ڈھلی تعلیم لاہور کنوں حاصل کیتی۔ چوہدری محمد علی پاکستان بݨݨ دے بعد جنرل سیکرٹری تے بعد وچ وزیر خزانہ وی ریہا۔ 1955 وچ اوں ویلھے دے گورنر جنرل سکن٘در مرزا محمد علی بوگرہ کوں برطرف کر تے وزیر اعظم نامزد کیتا۔ چوہدری محمد علی 1956 وچ پاکستان دا پہلا آئین نافذ کیتا۔ Emergence of Pakistanدے ناں نال کتاب وی لکھی۔2 دسمبر 1982 کوں 77 سال دی عمر وچ فوت تھی ڳیا۔