چوک شاہ مجید

ملتان حسین آگاہی توں مسجد علی محمد خان تک چوک بازار دے عین اَدھ اچ ہک چوک آندے ، ایندے مغرب اچ کُپ بازار کوں تے مشرق اچ چُوڑی سرائے بازار کوں سڑک ویندی ہے، ایں چوک دے شمال مشرقی کونے تے جتھوں کر چوڑی سرائے شروع تھیندے ہک بزرگ شاہ مجید تھلہ تے چٹائی وچھا تے ٻاہندے ہن ۔ ہندو ایندا وݙا احترام تے وݙی خدمت کریندے ہن ۔ جݙاں او فوت تھئے تاں انہاں ایں چوک دے مذکورہ بالا چبوترے تے ای دفن کر ݙتا ڳیا تے ایندے تے انہاں دی قبر بݨا ݙتی ڳئی ۔ٻیا اے جو ایں چوک کوں انہاں دے ناں نال موسوم کر تے ایں چوک دا ناں انہاں دے یادگار دے طور تے ’’چوک شاہ مجید ‘‘ رکھ ݙتا ڳیا۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء