چوش نہ بیت

ٹھٹھہ شاہر دے وچ کوئی کتاب نئیں نظردی ۔ اِتلا وݙی تے لمبی جنگ دے بارے لوک ادب کوں چلاکی تے اُستادی نال منظر توں ہٹا ݙتا ڳئے ۔ ایں طرح کوشش کیتی ڳئی جو او عام جئیں پیر بݨا ݙتے ونڄن جیڑھے بے اولادیں؍اوترک کوں اولاد تے بگڑے کم بݨواتے سمگلراں دے رزق اِچ برکت دیاں دُعائیں کراوے ،ساݙے مُلخ وچ سینکڑاں مُردار ، ݙاکو ، لُٹیرے ، ہیرو بݨا تے نصاب دا حصہ بݨا ݙتے ڳن۔

حملے کرݨ والئیں دے کارنامے ودھا چرھا تے پڑھائے ویندن مگر محنت کرݨ دے حق کیتے سر دی قربانی ݙیوݨ والے شاہ عنایت شہید دے ناں دا کہیں سکول دی کتاب اِچ کئی تذکرہ؍تات کائنی ۔ کوئی یونیورسٹی ، کالج ، سڑک ، ڳلی ، پارک اوندے ناں دا کائنی ۔ کوئی چیئر کائنی ، تحقیق دا مرکز شاہ عنایت نال منسوب کائنی ، اوندے اُتے شاعری یا تحقیقی کتاب کائنی ۔ کہیں وی کوئی کتاب اوندے ناں نئیں کیتی ۔ کہیں اخبار ، رسالے کوئی خصوصی ایڈیشن اُنہاں دے ناں دا جاری نئیں کیتا ۔ کہیں جیندے معاشرے دے اسان؍کہیں غستان دے واسی ہائوں۔

وَت اے حقیقت آپݨی جاہ تے اَٹل موجود ہے ، شاہ عنایت دی ساری انقلابی روح اکور کراہیں ٻاہر کڈھݨ دی ساری جاگیرداریں تے ظالمانہ کوشش دے باوجود شاہ عنایت شہید دے ناں وچوں شہید دا لفظ نئیں کڈھ سڳیئے ۔ نہ اِی روضے دے احاطے وچوں ’’گنجِ شہیداں‘’ ست سانجھی قبریں دے نُور مُکا سڳیئے ۔ تے شہید لفظ دی وجہ توں زائرین ہک ݙوجھے کنوں ضرور پُچھسن…… قیامت تاݨیں۔

حوالہ

کتاب: شاہ عنایت شہید، مصنف : ڈاکٹر شاہ محمد مری ، جھوک پرنٹرز ملتان