چودھری غلام محمد

چودھری غلام محمد (1916-1970) جماعت اسلامی پاکستان دے پہلے لوکاں وچوں ہک تے مشہور رہنما ہن۔ او 1953ء وچ صوبہ سندھ تے کراچی دے امیر منتخب تھئے تے 1957ء وچ ݙو مہینے کیتے جماعت اسلامی پاکستان دے امیر بݨے۔ زیادہ تر وقت او جماعت اسلامی کراچی دے امیر رہے۔ جماعت کوں بین الاقوامی سطح تے متعارف کراوݨ وچ انہاں دا اہم کردار ہئی تے انہاں کئی بین الاقوامی اسلامی کانفرنساں وچ جماعت اسلامی دی نمائندگی کیتی۔ 1959ء وچ شاہ ولی اللہ اورینٹل کالج، منصورہ، 1963ء وچ ادارۂ معارف اسلامی، کراچی، 1970ء وچ روزنامہ جسارت تے بنگلہ زبان دے روزنامہ سنگرام، ڈھاکہ تے ماہنامہ چراغ راہ دے اجرا وچ انہاں دا اہم کردار ہئی۔ سواحلی زبان وچ قرآن مجید دا ترجمہ انہاں دی نگرانی وچ شائع تھیا۔ سرطان دے مرض دی وجہ توں 29 جنوری 1970ء کوں کراچی وچ انہاں دا انتقال تھی ڳیا۔ امیر جماعت اسلامی سید ابو الاعلیٰ مودودی نے انہاں دی نماز جنازہ پڑھائی۔ انہاں دی اہم ترین تصنیف The Middle East Crisis ہے۔ انہاں کئی ٻئے کتابچے وی لکھے۔