چودھری رضا نصر اللہ گھمن

چودھری رضا نصر اللہ گھمن
رکن پاکستان کی قومی اسمبلی
آغاز منصب 13 اگست2018
رکن صوبائی اسمبلی پنجاب
مدت منصب 2008 – 31 مئی2018
معلومات شخصیت
ڄم	10 مارچ 1958ء (67 سال)  لاہور
جماعت	پاکستان تحریک انصاف
عملی زندگی
پیشہ	سیاستدان

چوہدری رضا نصر اللہ گھمن ہک پاکستانی سیاست دان ہن تے اگست 2018 توں پاکستان دی قومی اسمبلی دے رکن ہن۔ ایں توں پہلے اوہ 2008 توں مئی 2018 تک پنجاب دی صوبائی اسمبلی دے رکن رہے۔

ابتدائی زندگی تےتعلیم

اوہ 10 مارچ 1958 کوں لاہور وچ پیدا تھئے۔

اوہ گریجویٹ تعلیم یافتہ ہن۔

سیاسی دور

انہاں نے 2002 دے عام انتخابات وچ حلقہ NA-80 (فیصل آباد-VI) توں پاکستان پیپلز پارٹی (پی پی پی) دے امیدوار دے طور تے پاکستان دی قومی اسمبلی دی نشست دے کیتے انتخاب لڑیا لیکن اوہ ناکام رہے۔ انہاں کوں 40,264 ووٹ ملیے تے اوہ سیٹ ہار ڳئے۔

اوہ 2008 دے پاکستانی عام انتخابات وچ حلقہ پی پی-62 (فیصل آباد-XII) توں پاکستان مسلم لیگ (ن) (پی ایم ایل-این) دے امیدوار دے طور تے پنجاب دی صوبائی اسمبلی دے کیتے منتخب تھئے۔ انہاں نے 31,742 ووٹ حاصل کیتے تے پاکستان مسلم لیگ (ق) (پی ایم ایل-ق) دے امیدوار رائے احسن رضا کھارا کوں شکست ݙتی۔ ایں ہی الیکشن وچ انہاں نے حلقہ NA-77 (فیصل آباد-III) توں آزاد امیدوار دے طور تے قومی اسمبلی دی نشست تے وی حصہ ڳھدا لیکن اوہ کامیاب نہ تھئے۔ انہاں نے 55 ووٹ حاصل کیتے تے اوہ نشست محمد عاصم نذیر توں ہار ڳئے۔

اوہ 2013 دے پاکستانی عام انتخابات وچ حلقہ پی پی-62 (فیصل آباد-XII) توں مسلم لیگ ن دے امیدوار دے طور تے پنجاب دی صوبائی اسمبلی دے کیتے ولا منتخب تھئے۔ انہاں نے 53,406 ووٹ حاصل کیتے تے مسلم لیگ (ق) دے امیدوار علی اختر کوں شکست ݙتی۔ ایں ہی الیکشن وچ انہاں نے حلقہ NA-80 (فیصل آباد-VI) توں آزاد امیدوار دے طور تے قومی اسمبلی دی نشست تے وی حصہ ڳھدا لیکن ایں واری وی اوہ کامیاب نہ تھئے۔ انہاں نے 5,905 ووٹ حاصل کیتے تے اوہ نشست میاں محمد فاروق توں ہار ڳئے۔

مارچ 2018 وچ، انہاں نے مسلم لیگ ن چھوڑ کے پاکستان تحریک انصاف (پی ٹی آئی) وچ شمولیت اختیار کیتی۔

اوہ 2018 دے پاکستانی عام انتخابات وچ حلقہ NA-105 (فیصل آباد-V) توں پی ٹی آئی دے امیدوار دے طور تے ولاقومی اسمبلی دے کیتے منتخب تھئے۔